Новости за 30.05.2023

Kryeministri i Kosovës, Albin Kurti, i ka thënë të martën të përditshmes britanike Guardian se, dita e hënë ka qenë shumë e rëndë, dhe se “jemi me fat që nuk është humbur asnjë jetë". Ai u është referuar përleshjeve në mes të pjesëtarëve të misionit të NATO-s në Kosovë, KFOR, me protestuesit serbë në Zveçan, të cilët e kanë kundërshtuar hyrjen e kryetarëve të rinj shqiptar në komunat e banuara me shumicë serbe – Zveçan, Leposaviq dhe Zubin Potok – nëpër ndërtesat komunale. Kurti i ka fajësuar për dhunën në veri... Читать дальше...

Shefi i NATO-s, Jens Stoltenberg, ka bërë të ditur se aleanca veri-atlantike do ta rrisë për 700 numrin e trupave në Kosovë, në kuadër të misionit të saj, KFOR. Në një konferencë për media me kryeministrin norvegjez, Jonas Gahr Store, ai i ka dënuar sulmet që kanë ndodhur ndaj pjesëtarëve të KFOR-it, të hënën në veri të Kosovës, dhe ka thënë se ato janë të “papranueshme”. “Ne kemi vendosur t’i angazhojmë 700 trupa shtesë nga Forca Operacionale Rezervë për Ballkanin Perëndimor, dhe që të ngrejmë... Читать дальше...

Në Zveçan, një prej katër komunave me shumicë serbe në veri të Kosovës, ka përfunduar protesta e serbëve lokalë kundër kryetarit të ri shqiptar. Një zyrtar i Listës Serbe u kishte kërkuar më herët qytetarëve të tubuar që të shpërndaheshin, duke i ftuar për një protestë të re të mërkurën.

Pas vendimit të Shteteve të Bashkuara të Amerikës për të ndërprerë stërvitjet e përbashkëta ushtarake “Defender 23” që ishin duke u mbajtur në Kosovë, Lidhja Demokratike e Kosovës në opoiztë ka thënë se “Qeveria po bie në grackën e Serbisë”. “Reagimet e shteteve mike, kundër institucioneve të Kosovës, reagimet e SHBA-së, Gjermanisë, Francës, BE-së e vet NATO-s, dëshmojnë pozicionin e rëndë diplomatik e strategjik në të cilin gjendet Kosova. Në një pozicion të tillë Kosova nuk është gjendur asnjëherë më pare”, thotë reagimi i LDK-së. Читать дальше...

Ngecja e realizimit të reformave kamuflohet me kërkesën e Sofjes për përfshirjen e bullgarëve në preambulë gjë që ka çuar në rritjen e euro-skepticizmit në mesin e qytetarëve të Maqedonisë së Veriut. Në bazë rezultateve të anketës së realizuar nga Instituti për Kërkime Politike në fillim të muajit (ndërsa rezultatet janë publikuar të dielën), 42.1 për qind e qytetarëve thonë se e kanë humbur besimin se Maqedonia e Veriut do të bëhet pjesë e Bashkimit Evropian. Kjo përqindje, në një anketë të realizuar... Читать дальше...

Ndonëse në numër më të vogël sesa ditën paraprake, të martën serbët lokalë protestuan sërish në Zubin Potok kundër kryetarit të ri shqiptar të komunës veriore të Kosovës.

Ambasadori amerikan në Kosovë, Jeffrey Hovenier, tha se Qeveria e Kosovës nuk është koordinuar me Shtetet e Bashkuara për veprimet e ndërmarra në veri dhe, për këtë arsye, ka pësuar pasojën e parë: "stërvitjet Defender Europe 2023 kanë marrë fund" për të. Hovenier i bëri komentet në një takim me një grup gazetarësh në Prishtinë. Ai iu referua vendimit të Qeverisë së Kosovës për t'i instaluar me forcë kryetarët shqiptarë të komunave me shumicë serbe në veri të vendit - Zveçan, Zubin Potok dhe... Читать дальше...

Shefi i Zyrës për Kosovën në Qeverinë e Serbisë, Petar Petkoviq, e ka përsëritur qëndrimin e Serbisë se, kryetarët e rinj shqiptarë të komunave në veri të Kosovës – të banuara me shumicë serbe –duhet të largohen nga ndërtesat komunale, dhe se Policia e Kosovës duhet të largohet nga veriu i Kosovës. Sipas një njoftimi për media, Petkoviq i ka bërë këto deklarata të takim me ambasadorët e Gjermanisë dhe Francës në Serbi, Anke Konrad dhe Pierre Cochard. Petkoviq, ka thënë, po ashtu, se incidentet... Читать дальше...

Një taksi me të cilën po udhëtonte një ekip i Radios Evropa e Lirë është sulmuar në Zubin Potok, komunë në veri të Kosovës, e banuar me shumicë serbe. Nga ky sulm, që ndodhi teksa vetura ishte në lëvizje, asnjëri nga pjesëtarët e ekipit të REL-it nuk ka pësuar lëndime. Vetura është sulmuar pasi gazetarët e REL-it hipën në të, kur përfundoi protesta e serbëve në këtë komunë, pak pas orës 15:00. Banorët lokalë, pjesëmarrës të protestës, sulmuan veturën me një mjet shpërthyes. Pavarësisht se... Читать дальше...

Në Zubin Potok, një prej katër komunave me shumicë serbe në veri të Kosovës, ka përfunduar protesta e serbëve lokalë. Ndonëse në numër më të vogël sesa ditën paraprake, të martën serbët lokalë protestuan sërish në Zubin Potok kundër kryetarëve të rinj shqiptarë të komunave në veri. Protestuesit po ashtu kërkojnë që Kosova të tërheqë njësitë speciale policore nga veriu. Në Zveçan, ndërkaq, një zyrtar i Listës Serbe u kërkoi më herët qytetarëve të tubuar që të shpërndaheshin rreth orës 16:00, duke i ftuar për një protestë të re të mërkurën.

Dhjetëra mijëra mësimdhënës të shkollave fillore dhe të mesme në Rumani marshuan drejt ndërtesës së qeverisë në qendër të Bukureshtit më 30 maj, duke bërë thirrje për paga më të mira, më shumë investime në arsim dhe një reformë të sistemit arsimor të vendit. Organizatorët e sindikatës kanë vlerësuar se 15.000-20.000 mësues po marrin pjesë në protestë. Drejtuesit e sindikatave kanë refuzuar ofertat e qeverisë për kompromis gjatë disa rundeve të negociatave që kur mësimdhënësit u futën në grevë më 22 maj. Читать дальше...

NATO ka vendosur që të dislokojë forca shtesë, pasi 30 ushtarë të misionit të saj paqeruajtës në Kosovë, KFOR, u lënduan gjatë përleshjeve me protestuesit serbë në Zveçan. “NATO ka udhëzuar dislokimin e Forcave Operacionale Shtesë për Ballkanin Perëndimor, të cilat për shtatë ditë kanë qenë në gatishmëri për dislokim”, u tha në njoftim. Më 29 maj, KFOR ndërhyri ndaj protestuesve serbë në Zveçan, pasi ata paraprakisht nuk iu bindën thirrjeve që të shpërndaheshin. Protestuesit u përleshën me... Читать дальше...

Ish-kryetari i Kuvendit Komunal të Zveçanit, Sërgjan Millosavleviq, u tha serbëve të tubuar para ndërtesës së komunës, që të shpërndahen rreth orës 16:00. Ai i ftoi serbët që të dalin në një protestë paqësore të mërkurën. Millosavleviq tha se serbët në veri të Kosovës do të protestojnë deri sa të plotësohen kërkesat e tyre: tërheqja e njësive speciale të Kosovës dhe që kryetarët e rinj shqiptarë të Zveçanit, Leposaviqit dhe Zubin Potokut të mos lejohen të hyjnë në ndërtesat komunale. Për t'u... Читать дальше...

Asociacioni i Gazetarëve të Kosovës ka bërë të ditur se gazetarët, që po përcjellin ngjarjet në veri, kanë cak i disa sulmeve. AGK tha se persona të maskuar kanë sulmuar gazetarë të mediave të ndryshme në Leposaviq dhe njërit medium i është thyer kamera. Po ashtu, në këtë komunë, gazetarët janë sulmuar edhe me gjësende të forta nga protestuesit serbë. “Në një transmetim direkt të medieve, shihen disa gra duke tentuar t’i pengojnë gazetaret e RTV Dukagjinit, Kohës dhe mediave të tjera të raportonin drejtpërdrejt nga kjo komunë”, tha AGK. Читать дальше...

Një grup ekspertësh, përfshirë drejtuesit e OpenAI dhe Google Deepmind, kanë paralajmëruar përmes një deklaratë të përbashkët se inteligjenca artificiale mund të çojë në zhdukjen e njerëzimit. Dhjetëra ekspertë të kësaj industrie e kanë mbështetur deklaratën e publikuar në faqen e internetit të Qendrës për Sigurinë e Inteligjencës Artificiale. “Zbutja e rrezikut të zhdukjes nga inteligjenca artificiale duhet të jetë prioritet global, krahas rreziqeve të tjera si pandemitë dhe lufta bërthamore”, thuhet në këtë deklaratë. Читать дальше...

Rusia kërkoi nga Perëndimi që të ndalë “propagandën” e tij pasi 30 ushtarë të misionit paqeruajtës të NATO-s në Kosovë, KFOR, u lënduan gjatë përleshjeve me protestuesit serbë në Zveçan. “Ne i bëjmë thirrje Perëndimit që përfundimisht të ndalë propagandën e tij të rreme dhe të ndalë së fajësuari për incidentet në Kosovë serbët e dëshpëruar, të cilët po tentojnë të mbrojnë të drejtat e tyre legjitime dhe lirinë, përmes mjeteve paqësore dhe pa armë”, tha Ministria e Jashtme e Rusisë. Rusia, që është aleate e Serbisë... Читать дальше...

Luftimet në Sudan vazhduan edhe më 30 maj, pavarësisht se një ditë më parë u arrit një marrëveshje mes dy gjeneralëve ndërluftues për zgjatjen e armëpushimit, që synon ta mundësojë ardhjen e ndihmave për civilët e rrethuar. Si ushtria e rregullt, ashtu edhe Forcat paraushtarake të Mbështetjes së Shpejtë (RSF) ranë dakord zyrtarisht më 29 maj për ta zgjatur për pesë ditë armëpushimin humanitar të ndërmjetësuar nga Shtetet e Bashkuara të Amerikës dhe Arabia Saudite, i cili u shkel disa herë gjatë javës së kaluar. Читать дальше...

Shefi i diplomacisë së Bashkimit Evropian, Josep Borrell, tha se Kosova duhet të pezullojë operacionet e policisë rreth ndërtesave komunale në veri të shtetit, si “hap i parë për uljen e tensioneve, ndërsa protestuesit e dhunshëm të ndalen”. “Dua të them se BE-ja e dënon fuqishëm dhunën në veri të Kosovës që kemi parë ditëve të fundit. Aktet e dhunës ndaj qytetarëve, mediave, forcave të rendit dhe KFOR-it janë të papranueshme. Ne si BE qëndrojmë prapa NATO-s dhe KFOR-it në përmbushjen e mandatit... Читать дальше...

Zëdhënësi i Bashkimit Evropian, Peter Stano, ka refuzuar që të përgjigjet në pyetjen e gazetarëve se kush i ka sulmuar ushtarët e KFOR-it më 29 maj në Zveçan, në veri të Kosovës, por tha se përgjegjëse për dhunën në veri janë Kosova dhe Serbia. Gjatë një konference për media, Stano, duke iu përgjigjur pyetjes se pse shefi i diplomacisë së BE-së, Josep Borrell, në deklaratën e tij, përmes së cilës ka dënuar dhunën në veri të Kosovës, nuk ka folur lidhur me atë se kush i ka sulmuar ushtarët e KFOR-it... Читать дальше...

Kina ka shprehur mbështetjen për përpjekjet e Serbisë “për të mbrojtur sovranitetin dhe integritetin territorial”, pas përleshjeve mes protestuesve serbë në Zveçan dhe trupave paqeruajtëse të NATO-s. Partia në pushtet, Partia Komuniste për një kohë të gjatë është kritike e aleancës së NATO-s. Mospajtimet me KFOR-in pjesërisht burojnë nga bombardimi i Ambasadës kineze në Beograd, gjatë fushatës ajrore të aleancës më 1999, që i dha fund luftës në Kosovë.  Kina, së bashku me Rusinë dhe Serbinë,... Читать дальше...

Kryeministri i Kosovës, Albin Kurti, dhe presidenti i Serbisë, Aleksandar Vuçiq, kanë anuluar vizitën në Bratisllavë të Sllovakisë, ku ishte paraparë të merrnin pjesë në një konferencë për sigurinë globale, Globsec. Më herët gjatë të martës, nga Qeveria e Kosovës i tha Radios Evropa e Lirë se vizita e Kurtit në Sllovaki është shtyrë. "Ka qenë e planifikuar [që Kurti] të shkojë. Por, për shkak të zhvillimeve në vend është shtyrë pjesëmarrja. Nuk është definitive ende nëse do të marrë pjesë ose jo", thanë nga Qeveria e Kosovës. Читать дальше...

Shtetet e Bashkuara të Amerikës dhe Bashkimi Evropian janë shprehur të shqetësuara për një ligj të ri në Poloni, përmes të cilit krijohet një komision për hetimin e “ndikimit rus”. Kritikët thonë se Varshava do ta përdorë këtë organ për ta shtypur opozitën. BE-ja është shprehur “veçanërisht e shqetësuar” nga lajmet për këtë ligj të ri, sipas të cilit komisioni i krijuar do të kishte kompetenca për t’ua ndaluar qytetarëve marrjen e posteve publike, tha më 30 maj komisionari i drejtësisë i bllokut evropian. Читать дальше...

Një numër i vogël i qytetarëve serbë janë tubuar të martën e 30 majit para ndërtesës së Komunës së Leposaviqit, për të protestuar për të dytën ditë rresht kundër kryetarit të ri shqiptar. Përfaqësues të Listës Serbe kërkuan sërish tërheqjen e njësive speciale të Policisë së Kosovës dhe daljen e kryetarit të ri shqiptar nga ndërtesa e komunës, si kusht për shpërndarjen e protestuesve. Ushtarët e kontingjentit italian të KFOR-it po kujdesen për sigurinë.

Kryetari Leposaviqit, Lulzim Hetemi, dhe ai i Mitrovicës së Veriut, Erden Atiq, gjenden në objektet e komunave përkatëse, bënë të ditur burimet e Radios Evropa e Lirë. Siç merr vesh REL-i, kryetari i Leposaviqit ka mbetur brenda objektit të komunës që nga dita e djeshme, për "arsye sigurie". Me gjithë përpjekjet, REL-i nuk arriti të bjerë në kontakt me Hetemin. Ndërkaq, kryetari i Zveçanit, Ilir Peci, konfirmoi për Radion Evropa e Lirë se është duke punuar nga Zyra për Komunitete në fshatin Lipë të kësaj komune, e jo nga objekti komunal. Читать дальше...

Më pak se dy javë pas ekzekutimit të Majid Kazemit, protestuesit iranian të ekzekutuar më 19 maj, një nga të afërmit e tij ka bërë të ditur se babait të Kazemit i është ndalur pensioni dhe motra e tij është pushuar nga puna. Mohammad Hashemi, kushëriri i Majid Kazemit, e bëri këtë të ditur përmes një postimi në Twitter, duke shtuar se pavarësisht se kanë kaluar një javë që nga ekzekutimi i të afërmit të tij, dy vëllezërit e Mexhid Kazemit, Mehdiu dhe Hosseini, janë ende në paraburgim nga institucionet e sigurisë të Republikës Islamike. Читать дальше...