"Жарыс тақағанда тыпырлаймыз". Париж олимпиадасы алдында үміттен гөрі күдік басым
Қазақстанда биыл шілдеде Парижде өтетін жазғы олимпиада ойындарына әзірге 30 жолдама ғана бар. Спорт министрлігі олимпиадаға 80 жолдама алуды көздеп отыр, бірақ ведомство алтын медаль мен жүлде саны бойынша болжам жасаудан тартынады. Сарапшылар Токио-2020 ойындарындағы сәтсіздіктен соң жанкүйерлер құрама алтын жүлде алады деп үміттенетінін, алайда қазір елде "олимпиада алтынын алады-ау" дейтін фавориттер жоғын айтады.