Гаагадагы Эл аралык кылмыш сотунун прокурору Карим Хан Израилдин өкмөт башчысын, коргоо министрин жана ХАМАС радикал тобунун үч лидерин Газадагы кылмыштар үчүн айыптап, аларды камоого ордер чыгарып берүүнү өтүндү. Израилдин бийлиги прокурордун өтүнүчүн дароо айыптады.
Кыргызстандын тышкы иштер министри Жээнбек Кулубаев менен Пакистандын тышкы иштер министри Мухаммад Исхак Дар жолугуп, Бишкектеги чет өлкөлүк жарандар жабыркаган окуяны талкуулады. Исламабаддын өкүлү пакистандык студенттерге кол салгандарды жоопко тартууну өтүндү.
Жогорку Кеңештин тиешелүү комитетинде акыйкатчы Жамиля Жаманбаеванын Кыргызстандагы адам укуктарынын сакталышы боюнча баяндамасы талкууланды.
21-майда Кыргызстанда жана дүйнөдө эмне болду? “Азаттык” күндүн башкы жаңылыктарын тизмектейт.
Гаагадагы Эл аралык кылмыш сотунун прокурору Карим Хан Израилдин өкмөт башчысын, коргоо министрин жана ХАМАС радикал тобунун үч лидерин Газадагы кылмыштар үчүн айыптап, аларды камоого ордер чыгарып берүүнү өтүндү. Премьер Нетаньяху прокурордун билдирүүсүн "акылга сыйбайт" деп, Израил бийлигин террорчулар менен бир тепкичке коюу аракети сыңары сындады. Франция, Белгия прокурордун кадамын колдосо, расмий Вашингтон айыптады.
Юстиция министрлиги "чет өлкөлүк өкүлдүн милдетин аткарат" деген бейөкмөт уюмдардын реестрин түзүү жана алардын ишин текшерүүнүн тартибин аныктоо үчүн атайын жобо бекитти.
Апта соңундагы Бишкектеги окуядан кийин жер-жерлерде чет элдик студенттердин коопсуздугун камсыздоо үчүн чаралар көрүлгөнү айтылды. Өлкөнүн Ош, Жалал-Абад облустарында чет жактан келип окугандардын саны арбын. Ош мамлекеттик университетинде 10 миңге чукул чет өлкөлүк студент билим алат.
19-майда Ирандын президенти Эбрахим Раисинин тик учагы кырсыкка учурады. Ал Азербайжанга иш сапарга барып, бул өлкөнүн президенти Илхам Алиев менен бирге өлкөнүн түндүк-батышындагы жаңы плотинаны ачкан. Бортто тышкы иштер министри Хосейн Абдоллахиан, Ирандагы Чыгыш Азербайжан провинциясынын губернатору Малик Рахмати, аятолла Мохаммед Али Але-Хашем болгон. Алардын баары каза тапты.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.