Новости за 21.01.2021

Европа парламенти 21-январда Орусиянын «Түндүк агым - 2» газ куурунун курулушун токтотууну талап кылган резолюция кабыл алганы жатат. Бул долбоор аркылуу Орусия Балтика деңизинин түбү аркылуу табигый газды Германияга жеткирүүнү көздөп жаткан. Ошондой эле европалык парламентарийлер оппозициячыл саясатчы Алексей Навальныйдын камакка алынышына байланыштуу санкцияларды кеңейтүүгө камынышууда. Жаңы резолюцияга ылайык, Европанын Орусияга карата буга чейинки санкциялары кеңейтилип, ага Навальныйды камакка... Читать дальше...

АКШнын президенти Жо Байден кызматка киришкен биринчи күнү өз өлкөсүнүн Дүйнөлүк саламаттык сактоо уюмунан (ДССУ) чыгышы боюнча мурдагы президент Дональд Трамптын чечимин жокко чыгарды. Бул тууралуу жарлыкка Байден 20-январда ант берип кызматка киришкенден бир нече саат өткөн соң кол койду. Дональд Трамп 2020-жылдын июль айында ДССУнун коронавирус пандемиясы менен күрөшүн сынга алып, АКШ эл аралык уюмдан чыгарын жарыялаган. Анда Трамп баш кеңсеси Женевада жайгашкан бул уюмду «Кытай менен сүйлөшүп алып... Читать дальше...

Кыргызстанда 10-январда өткөн президенттик шайлоодо жеңишке жеткен Садыр Жапаровдун инаугурациясын даярдоого жана өткөрүүгө бюджеттен 10 миллион сом жумшалат. Бул тууралуу президенттик аппараттын басма сөз кызматынын жетекчиси Нургазы Анаркулов 21-январда «Азаттыкка» билдирди. Анын айтымында, инаугурацияны уюштуруу тобу ант берүү аземине сарпталуучу каражаттын суммасын бекитти. «Канча киши чакырыларын, канча конок катышарын уюштуруу тобу карап чыгат. Пандемияга байланыштуу чаралар болот. Чакырылган... Читать дальше...

22-январда түнкүсүн Ош, Жалал-Абад, Баткен облустарынын көпчүлүк аймактарында, Чүй, Талас, Нарын облустарынын кээ бир райондорунда кар жаайт. Эртең менен жана күндүз көпчүлүк аймактарда мезгил-мезгили менен кар жаайт, кээ бир жерлерде бурганак болот. Жолдорго муз тоңот. Батыш тараптан шамал согуп турат. Абанын температурасы: Ысык-Көл облусунда түнкүсүн -1...-6, күндүз 0...+5, Баткен, Ош, Жалал-Абад дубандарында түнкүсүн -1...+4, күндүз -4...+1, Чүй өрөөнүндө түнкүсүн -3...+2, күндүз -4...+1... Читать дальше...

Кыргызстанда мурдагы ички иштер министри Молдомуса Конгантиевдин жубайы Базаркүл Нурбаева каза болду. Бул тууралуу Ички иштер министрлигинин басма сөз кызматы 21-январда билдирди. Маалыматта «Базаркүл Нурбаеванын дүйнөдөн кайткандыгына байланыштуу ИИМдин коллегиясынын жетекчилиги, мүчөлөрү, Ардагерлер кеңеши, Генералдар клубу жана ички жеке курамы милициянын генерал-лейтенанты Молдомуса Конгантиевге, туугандарына жана жакындарына терең кайгыруу менен көңүл айтат»,  деп жазылган. 61 жаштагы Базаркүл Нурбаеванын өлүмүнүн себеби жана качан... Читать дальше...

Шайланган президент Садыр Жапаровдун ант берүү аземин даярдоо жана өткөрүү боюнча уюштуруу комитети президенттин милдетин аткарып жаткан спикер Талант Мамытовдун 21-январдагы жарлыгы менен түзүлдү. 15 кишиден турган топту президенттин аппарат жетекчиси Сүйүнбек Касмамбетов жетектеп, Борбордук шайлоо комиссиясынын (БШК) төрайымы Нуржан Шайлдабекова жана премьер-министрдин милдетин аткаруучу Артем Новиков ага орун басар болушту. Топтун курамына өкмөттүн аппарат башчысы Бактыбек Аманбаев, парламенттин аппарат жетекчиси Алмазбек Сабырбеков... Читать дальше...

Президенттин милдетин аткарып жаткан спикер Талант Мамытов 21-январда «Кыргыз Республикасынын премьер-министри менен өкмөтүнүн ыйгарым укуктарын токтотуу жөнүндө» жарлыкка кол койду. Президенттин басма сөз кызматы тараткан маалыматта жарлык 20-январда Борбордук шайлоо комиссиясы (БШК) шайлоонун жыйынтыгын расмий жарыялаганына жана анда шайланган президент Садыр Жапаровдун премьерлик кызматын тапшыруу боюнча берген арызынын негизинде чыкканы белгиленген. Талант Мамытов «Кыргыз Республикасынын... Читать дальше...

Түркмөн бийлиги Борбор Азияда алгачкылардан болуп «Sputnik V» вакцинасын каттоодон өткөрдү. Коронавирус бардыгын карандай танган өлкө орусиялык вакцина менен элин жапырт эмдөөгө даярданып жатканы кабарланды.

Парламенттин 21-январдагы сессиясынын ар кандай маселелер каралган бөлүгүндө КСДП фракциясынын депутаты Дастан Бекешев коронавирус илдетине каршы вакцинага байланышкан талаш-тартыштар тууралуу маселе көтөрдү. Бекешев коомчулукта талаш-тартыш жараткан бул маселе боюнча өкмөттөн коомчулукка ачык-айкын маалымат берүүнү талап кылды: «Өкмөт атайын муздаткыч жок экенин айтып, айрым вакциналарды алуудан баш тартып жатканы айтылып жатат. Тиешелүү министрлик коомчулукка ачык-айкын маалымат бериши керек. Читать дальше...

Америкадагы журтташтар жаңы президент Жо Байден Кыргызстанды жана башка мусулман мамлекеттерин тезирээк “кара тизмеден” чыгарышын күтөт. АКШдагы Кыргыз диаспорасынын катчысы Кубат Кубаналиев менен маек.

Улуттук коопсуздук боюнча мамлекеттик комитеттин (УКМК) 9-башкармалыгынын мурдагы жетекчиси, мурдагы президент Алмазбек Атамбаевдин жансакчысы Дамир Мусакеев 31-декабрда үй камагына чыкканы белгилүү болду. Тиешелүү чечимди Мусакеевдин ишин караган Бишкектин Свердлов райондук соту ошол күнү чыгарганын Атамбаевди жактаган КСДП партиясынын өкүлү Кундуз Жолдубаева «Азаттыкка» 21-январда билдирди. Жогорку сот 9-декабрда Дамир Мусакеев боюнча мурдагы эки инстанциянын өкүмдөрүн жокко чыгарган. Ишти... Читать дальше...

АКШ Кыргызстандын жарандарына 2020-жылдын башында киргизилген иммиграциялык виза чектөөсүн жокко чыгарды.

Бишкек кыргыз-америка алакасын өнүктүрүүгө өзгөчө көңүл буруп, АКШнын жаңы администрациясы менен жемиштүү иштешүүгө даяр. Кыргызстандын Тышкы иштер министрлиги 21-январда ушундай билдирүү таратып, Жо Байденди АКШ президенттигине киришкени менен куттуктады. Бишкек эки өлкө ортосундагы узак мөөнөттүү достук мамилелерди чыңдоого багытталган мындан аркы биргелешкен кадамдарды колдойт жана АКШ президентинин Кыргызстандын жарандарына 2020-жылы киргизилген визалык чектөөлөрдү алып салган чечимин кубаттайт. Читать дальше...

Кыргызстанда 10-январдагы президенттик шайлоодо жеңишке жеткен Садыр Жапаровдун президенттик кызматка киришүү инаугурациясы 28-январда болот. Бул тууралуу президенттик аппараттын басма сөз кызматынын жетекчиси Нургазы Анаркулов 21-январда «Азаттыкка» билдирди. Маалыматка караганда, инаугурация Бишкектеги Токтогул Сатылганов атындагы Улуттук филармонияда өтөт. Ант берүү аземин уюштуруу тобун президенттик аппараттын башчысы Сүйүнбек Касмамбетов жетектейт. Азыр инаугурацияга даярдык башталды. ... Читать дальше...

21-январга карата Кыргызстанда дагы 155 кишиге коронавирус жугуп, Бишкекте бир, Чүйдө бир бейтап көз жумду. Ооруга чалдыккандар кийинки күндөрү кайра көбөйө баштады. Өлкөдө илдет жугузуп алгандардын расмий эсеби 83585 киши болду. Жалпы ооругандардын 79 509у сакайды. Соңку бир күндө 136 адам айыкты. Пневмонияны козгой турган коронавирус Кыргызстанда алгач 2020-жылдын март айында аныкталган. Андан бери оорудан кайтыш болгондордун саны расмий эсепте 1394 киши болду. Акыркы бир сутка ичинде COVID-19... Читать дальше...

Жогорку Кеңештин 21-январдагы сессиясында Бишкектеги ыш маселесин чечүү тууралуу маселе көтөрүлдү. Жыйында «Республика - Ата Журт» фракциясынын депутаты Марлен Маматалиев өкмөттүн парламенттеги өкүлү Алмазбек Абытовго кайрылып, ышка негизинен машинелер эмес, Жылуулук электр борбору (ЖЭБ) себеп болуп жатканын айтты. «Акыркы 15 күндө Бишкекте ыш азайганы байкалды. «Ыш эмнеден улам чыгып атат?» десе, өкмөт машинелерди себеп катары көрсөтөт. 15 күндөн бери ыш жок. Машине түгөнүп калдыбы же киргизбей койдуңарбы? Читать дальше...

Кыргызстанга чет элдик түз инвестицияларды тартууну камсыз кылыш үчүн инвестияны колдоо чараларын жеңилдеткен мыйзамга кол коюлду. Ага ылайык, өндүрүштүк жана социалдык курулуш үчүн аймактарда жер тилкелерин трансформациялоо укугу жергиликтүү бийликке берилип, өкмөттүк деңгээлде түз инвестициялык макулдашуу түзүш үчүн инвестициялык босогонун көлөмү 50 млн. доллардан 10 млн. долларга түшүрүлдү. Буга чейин инвестициялык климат кескин начарлап, өлкөдөн чыгарылып кетип жаткан капиталдын өлчөмү арбыганы айтылган. Читать дальше...

Ооганстандын президенти Ашраф Гани памирлик кыргыздарга тез арада жардам жөнөтүүнү тапшырганын «Jomhornews» агенттиги кабарлады. Маалыматта айтылгандай, Гани Бадахшандагы кыргыз улутундагы тургундар катаал климаттык шартта жашап жатканын биле турганын айтып, алар айрыкча кыш мезгилинде олуттуу сыноолорду башынан өткөрүшөрүн белгилеген. Ооган лидери өлкөнүн түндүгүндөгү кыргыз мекендештерине чукул жардам жеткирүү боюнча ыкчам чара көрүүнү биринчи вице-президент Амруллах Салехге тапшырды жана 10 миллион афгани (11 млн. Читать дальше...

Борбордук шайлоо комиссиясы (БШК) 20-январда «Кыргыз Республикасынын мөөнөтүнөн мурда өткөн президенттик шайлоосунун жыйынтыгы жөнүндө» протоколду бекитти. Башкача айтканда добуш берүүнүн расмий жыйынтыктыгын чыгарды. Расмий жыйынтыкка ылайык, Кыргызстандын президенти болуп Садыр Жапаров шайланды. Жапаров 1 млн. 105 миң 248 (79,20%) шайлоочунун добушун алып жеңишке жетти. Экинчи орунда Адахан Мадумаров 94 741 (6,79%) шайлоочунун добушун алган. Андан кийинки орундарда Бабыржан Төлбаев 32 979 (2,36%)... Читать дальше...

Кыргызстанда 10-январда өткөн президенттик шайлоого катышкан жети талапкерге шайлоо күрөөсү кайтарылып берилет. Бул тууралуу Борбордук шайлоо комиссиясынын (БШК) басма сөз кызматы билдирди. Алар - шайлоого келген элдин 1% ашыгынын добушун алган талапкерлер.  БШКнын акыркы жыйынтыгы боюнча, шайлоодо ат салышкан 17 талапкердин ичинен Садыр Жапаров – 79,20%, Адахан Мадумаров – 6,79%,  Бабыржан Төлбаев – 2,36%, Мыктыбек Арстанбек – 1,69%, Абдил Сегизбаев - 1,46%, Имамидин Ташов – 1,17%, Клара Сооронкулова – 1,00% добуш алган. Читать дальше...

Ош облусунун Кара-Суу районундагы фермер Баатыр Тагаев кыргызстандык «кара байыр», түркмөнстандык «ахалтекин» жана орусиялык «владимирец» асыл тукум жылкыларын аргындаштырып жатат. Натыйжада ал аргымактын жаңы түрүн чыгарып, аны «жаңы кыргыз породасы» атады. Албетте, чарба азырынча ирилеше элек, ошентсе да жылкы тукуму аймакта аз-аздан тарап жатат. Фермерчиликтин көйгөйлөрү да аз эмес.

АКШ тарыхында мурда болуп көрбөгөндөй талаш-тартыш менен коштолгон президенттик шайлоодон кийин демократ Жо Байден 20-январда Капитолийдин тепкичинде туруп, 46-президент катары ант берди.

АКШ 2020-жылдын башында киргизилген иммиграциялык жана «грин-карт» (Diversity Visa) визаларына чектөөлөрдү жокко чыгарат. Буга тиешелүү жарлыкка президент Байден 20-январда кол койгонун АКШнын Кыргызстандагы элчилиги кабарлады. Бул жарлык Кыргызстандын иммигранттарына да тиешелүү. Трамптын администрациясы 2020-жылдын 31-январында бир катар мамлекеттердин, анын ичинде Кыргызстандын жарандарына Кошмо Штаттарга иммиграциялык жана «грин-карт» (Diversity Visa) визаларын алууга чектөө киргизген. Мунун... Читать дальше...

Кара деңиз жээгиндеги хан сарай - Орусиядагы путиндик доордун жемкорлук желесин элестетет. Орусиянын оппозициячыл лидери Алексей Навальныйдын тобу тарткан бул сүрөттөрдө «Путиндин хан сарайы» деген имаратты көрүүгө болот. Сүрөт баян.

АКШнын президенти Жо Байден Капитолийдин тепкичинде туруп ант бергенден бир нече саат өткөндөн кийин эле, 20-январда, мурдагы президент Доналд Трамптын бир катар саясий демилгелерин жокко чыгарды. Ал иммиграция, климаттын өзгөрүшү жана коронавирус пандемиясы менен күрөшүү маселелери боюнча бир катар жарлыктарга дароо кол койду. Бул чечимдерге ылайык, АКШ глобалдык климатка байланыштуу Париж келишимине кайра кошулат, Дүйнөлүк саламаттык сактоо уюмундагы мүчөлүгүн калыбына келтирет. Мексика менен чек арада дубал куруу иштери токтотулат... Читать дальше...