Новости за 20.10.2021

Türkmenistan planetany gyzdyrýan metany syzdyrmagyň möçberi boýunça dünýäde iň ýaramaz derejeleriň birini eýeleýär diýip, “Bloomberg” neşiri habar berýär. Neşiriň 19-njy oktýabrda çap eden "Türkmenistanyň hapa syry" atly makalasynda ýurduň tebigy gaz ýataklarynyň we iri gaz geçirijileriniň golaýynda howa goýberýän zäherli gazlaryndan uly alada bildirilýär. Makalada Kanadanyň zyňyndylara gözegçilik edýän GHGSat Inс kompaniýasynyň 2019-njy ýylyň başynda Türkmenistandaky senagat desgalarynyň bir... Читать дальше...

Lebap welaýatynyň elektrik edarasynyň işgärleri raýatlardan 2021-nji ýyl üçin elektrik töleglerini üstümizdäki ýyl tamamlanmazdan doly geçirmegi soraýarlar. Olar ilatyň sarp edýän elektrik energiýasy üçin tölegiň geljek ýyldan başlap ýokarlanjakdygyny aýdyp, 2021-nji ýyl üçin elektrik töleglerini şu ýylyň ahyryna çenli geçirmedik raýatlaryň bergileriniň täze - ýokarlanan - nyrhdan tölediljekdigini duýdurýarlar. Bu aralykda, Lebapda ilatyň elektrik üpjünçiligindäki bökdençlikler dowam edýär, tok ýygy-ýygydan kesilýär. Читать дальше...

Türkmenistanyň gündogarynda pagta meýdanlarynda işlemek üçin iş güýjüniň ýetmezçiligi döredi. Habarçylaryň maglumatlaryna görä, öň pagta meýdanlarynda işlemäge zar bolan günlükçi işçiler köplenç hususy hojalyklarda gök önüm, miwe ýygmak işlerinde zähmet çekýärler.       Azatlygyň Lebapdaky habarçysynyň sözlerine görä, pagta meýdanlarynda işleýänleriň azalmagyna ýygymçylara berilýän zähmet hakynyň örän ujypsyzlygy sebäp bolýar. Ýygymçynyň bir günki zähmet haky 15 manatdan aşmaýar.   Habarçy şu... Читать дальше...

Owganystandaky durnuksyzlygyň ýa-da zorlukly wakalaryň goňşy ýurtlara ýaýramak ähtimallygy baradaky aladalar arasynda, Orsýet özüniň Merkezi Aziýadaky täisirini pugtalandyrmak üçin, Moskwada ýokary derejeli Talyban delegasiýasyny kabul edýär.

Türkmenistanyň paýtagtynda 20 sany polisiýa gözegçilik nokadynyň gurluşygy üçin tender yglan edildi. Garaşsyz türkmen neşirleriniň habaryna görä, şuňa meňzeş tenderler geçen ýyl hem yglan edilipdi, şonda jemgyýetçilik tertibini saklamak üçin guruljakdygy aýdylan bu desgalar "barlag nokatlary" diýlip häsiýetlendirilipdi.

Türkmenistanyň prezidenti Gurbanguly Berdimuhamedow 19-njy oktýabrda Aşgabatda Lukoýl açyk paýdarlar jemgyýetiniň ýolbaşçysy Wagit Alekperow bilen duşuşyp, Hazar sebitiniň ýangyç serişdelerini özleşdirmek barada maslahat etdi. Türkmenistan bilen Azerbaýjan şu ýylyň ýanwarynda Hazar deňzindäki “Dostluk” ýatagynyň uglewodorod serişdelerini bilelikde gözlemek we özleşdirmek hakyndaky ylalaşyga gol çekdi. TDH-nyň ýazmagyna görä, myhman türkmen bazarynda döredilen “amatly maýa goýum ýagdaýynyň we... Читать дальше...

Türkmenistanda dowam edýän ykdysady krizis we giň ýaýran koronawirus ýokanjy Mary welaýatynda ilata agyr zarba urmagyny dowam etdirýär. Ogul-gyzyny ekläp bilmän ejiz galan eneleriň, maşgalany goldamak üçin ten söwdasy bilen meşgullanýan ýaş gyzlaryň, zibil dörýän we dilegçilik edýän raýatlaryň görnetin köpelmegi, ykdysady we saglyk krizisiniň getiren çökgünligine hem-de sosial krizise şaýatlyk edýär.

Gyrgyzystanyň hukuk goraýjylary we gümrük gullugynyň işgärleri ýörite operasiýa geçirip, köp mukdarda sintetiki neşe serişdelerini getiren daşary ýurt raýatyny tussag etdi diýip, “Türkmenistanyň Hronikasy” bu ýurduň Içeri işler ministrligine salgylanyp habar berýär. Howpsuzlyk güýçleri Eýran-Türkmenistan-Özbegistan-Gazagystan-Gyrgyzystan ugry boýunça gelýän sowadyjyly, ýarym tirkegli ýük awtoulagynda barlag geçirdiler. Barlag wagtynda köpükli plastmassadan ýasalan 147 sany alma tapyldy, olaryň... Читать дальше...

Özbegistanda Ozodlik ady bilen tanalýan radionyň işgärlerine soňky günlerde, Merkezi Aziýanyň iň köp ilatly ýurdunda geljek hepde geçiriljek prezident saýlawlaryna taýýarlyk görülýän wagtynda, onlaýn arkaly ölüm haýbatlary atylýar. 16-njy oktýabrda diňe bir günde, 30 minut içinde Özbek gullugynyň Telegram kanalynda Azat Ýewropa/Azatlyk radiosynyň žurnalistlerine haýbat atylýan onlarça ýazgy peýda boldy. Wulgar ýazgylarda, pornografiki şekiller we “Ozodligiň hakyky maksady Özbegistanda pitne turuzmak... Читать дальше...

Siriýanyň döwlet metbugaty paýtagt Damaskda bolup geçen bomba hüjüminde azyndan 13 adamyň ölendigini we üç adamyň ýaralanandygyny habar berdi. Bu soňky ýyllarda bolup geçen iň ganly hüjüm diýip bilinýär. Döwlet eýeçiligindäki SANA habar gullugy 20-nji oktýabrda siriýa goşunynyň esgerlerini alyp barýan awtobus köprüden geçende, ýol ýakasynda goýlan iki bombanyň ýarylandygyny aýtdy. Döwlet telewideniýesi hüjümiň irden, adamlar işe we mekdebe barýan wagtynda amala aşyrylandygyny aýtdy. SANA ýanýan... Читать дальше...

ABŞ-da Federal derňew býurosy (FDB) rus oligarhy Oleg Deripaskanyň Waşingtondaky öýünde "derňew işlerini" geçirýär diýip, FDB-nyň wekiliniň beýanatynda aýdylýar. NBC News telekanaly öz habarçylarynyň Deripaskanyň FDB agentleri tarapyndan gurşalan öýüniň golaýynda bolandygyny habar berdi. FDB işgärleri rus oligarhynyň öýüne girdiler. Geçirilýän barlagyň sebäpleri  häzirlikçe aýan edilmedi. Milliarder we nebit şasy Oleg Deripaska prezident Wladimir Putin bilen ýakyn gatnaşykdaky adamlaryň biri hökmünde tanalýar. Читать дальше...