Новости за 17.05.2021

17-nji maýda Aşgabatda döwlet dükanlarynyň müdirleri Alyjylar jemgyýetinde ýygnak geçirdi. Ýygnagyň dowamynda paýtagtyň döwlet dükanlarynda subsidirlenen azyk önümleriniň ilata paýlanylmagy bilen bagly meselelere garaldy hem-de azyk üpjünçiligi bilen baglylykda ýüze çykmagy ahmal sosial dartgynlylygyň öňüne geçmek maslahat edildi.

2000-nji ýyllarda Farapdaky 1-nji we 2-nji mekdepler “iň gowy mekdeplerden" hasaplanýardy, sebäbi o mahal bu mekdeplerde rus, iňlis dilleri gowy öwredilerdi, häzir bolsa bu mekdeplere aýlanyp, ýekeje-de hakyky sowatly, sapaklaryny gowy özleşdiren okuwçy tapmak mümkin däl diýip, habarçy aýtdy.

Türkmenistan koronawirus pandemiýasy sebäpli daşary ýurtlarda galan raýatlarynyň ýene bir tapgyryny ýurda getirdi. Ýurda dolanan raýatlar Türkmenabatdaky baş karantin merkezine äkidildi we olara karantiniň ilkinji gününde COVID-19-a garşy hytaý sanjymy edildi. Karantiniň ilkinji gününde sanjymyň birinji dozasyny kabul eden raýatlar 21 günlük karantinden soň sanjymyň ikinji dozasyny kabul eder.

Ysraýyl harbylary 17-nji maý güni ir bilen harby uçarlarynyň Gaza zolagyna zarbalary urandygyny, munuň netijesinde söweşijileriň 15 km tunneliniň, şeýle-de HAMAS toparynyň komandirleri bolmakda güman edilýänleriň dokuz öýüniň ýok edilendigini habar berdiler. Gazadaky üç gatly ýaşaýyş jaýa uzy zeper ýetdi. Emma ýaşaýjylar Ysraýyl harbylarynyň howa hüjüminden 10 minut öň duýduryş berendiklerini, netijede ähli kişiniň binadan çykandygyny aýtdylar. Soňky howa zarbasynyň netijesinde dörän ýitgiler barada bada-bat maglumat berilmedi. Читать дальше...

17-nji maýda Aşgabatda prezident Gurbanguly Berdimuhamedow bilen Tatarystan respublikasynyň prezidenti Rustam Minnihanowyň arasynda gepleşikler geçirildi. "Tatar-inform" habar serişdesiniň maglumatyna görä, maslahatda iki ýurduň arasyndaky söwda hyzmatdaşlygyny ösdürmek, şol sanda “KAMAZ” ulaglary we IT ulgamy barada gürrüň edilipdir. Maglumata görä, 2020-nji ýylda iki ýurduň arasyndaky haryt dolanyşygy 107 million dollara deň bolupdyr. Tatarystan esasan Türkmenistana transport we mehaniki serişdeleri eksport edýär. Читать дальше...

Russiýanyň sudy tussaglykda saklanýan Kremliň tankytçysy Alekseý Nawalnynyň syýasy toruny “ekstremist” hökmünde ykrar etmek baradaky diňlenişigi 9-njy iýuna çenli yza süýşürdi. 17-nji maýda Moskwanyň sudy prokuraturanyň Nawalnynyň üç guramasyny, ýagny “Korrupsiýa garşy fonduny” (FBK), Raýat hukuklarynyň gorag fonduny (FZPG) we Nawalnynyň regional edaralaryny “ekstremist” hökmünde ykrar etmek baradaky arzasy boýunça höküm çykarmalydy. Emma diňlenişik başlanan pursady prokurorlar alty tom goşmaça materiallary hödürlediler. Читать дальше...

Çeh prezidenti Milos Zeman Russiýany, Moskwanyň Çehiýa Respublikasyny “dost bolmadyk” döwletleriň sanawyna goşmagyna jogap edip, samsyk atlandyrdy. Bu iki ýurduň arasyndaky gatnaşyklaryň aňtaw dawasy sebäpli ýitileşen döwrüne gabat geldi. Aprel aýynda çeh hökümeti rus harby aňtaw agentlerini 2014-nji ýyldaky ýarag ammaryndaky adam pidaly partlamada aýyplamagyndan soňra, iki döwletiň arasyndaky gatnaşyklar dartgynlaşyp başlapdy. Çeh hökümeti Russiýanyň Pragadaky ilçihanasynyň onlarça rus işgärini içalyçylykda aýyplap, ýurtdan çykardy. Читать дальше...

17-nji maýda ABŞ-nyň döwlet sekretary Antoni Blinken Daniýanyň liderleri bilen gepleşik geçirýär. Özüniň diplomatiki turunyň çäklerinde Blinken Islandiýada Artik Geňeşiniň maslahatyna hem gatnaşar. Onuň dowamynda Blinkeniň prezident Jo Baýdeniň häkimiýet başyna geçmeginden soň, özüniň russiýaly kärdeşi Sergeý Lawrow bilen hem ilkinji gezek ýüzbe-ýüz gepleşik geçirmegine garaşylýar. Döwlet departamentiniň maglumatyna görä, Blinken Kopengagende Daniýanyň premýer-ministri Mette Frederiksen we daşary... Читать дальше...