Тэлеканал "Беларусь 3"

12 красавіка адзначаецца Сусветны дзень авіяцыі і касманаўтыкі.

У гэты дзень тэлеканал "Беларусь 3" звернецца да фонду Белтэлерадыёкампаніі і пакажа тэматычныя дакументальныя фільмы. У 22:55 у эфір выйдзе стужка «Одной звезды я повторяю имя…» (рэжысёр В. Бокун, 1981), якая раскажа пра ўраджэнца Брэсцкай вобласці, двойчы Героя Савецкага Саюза, лётчыка-касманаўта СССР Пятра Клімука.

Працягне тэматычны паказ дакументальны фільм "Зямное прыцягненне Івана Міско" (рэжысёр С. Кацьер, 2023). Читать дальше...

31 сакавіка прадстаўнікі каталіцкай канфесіі сустрэнуць Светлае Хрыстова Уваскрэсенне. Трансляцыі святочных богаслужэнняў з Мінска, Рыма і Ватыкана пройдуць у эфіры тэлеканала "Беларусь 3".

Свята майстроў сцэны і ўсіх работнікаў тэатра канал “Беларусь 3” адзначыць паказам тэлеверсій знакавых пастановак буйнейшых беларускіх тэатраў.

21 сакавіка адзначаецца Сусветны дзень паэзіі. З нагоды святочнай даты эфір тэлеканала “Беларусь 3” напоўняць тэматычныя выпускі любімых перадач, а ў міжпраграмных перапынках прагучаць вершы.

Сёлета беларускі кінематограф адзначае 100 гадоў. У юбілейны год тэлеканал рыхтуе шэраг эфірных акцый і праектаў. Так, з 18 сакавіка на “Беларусь 3” можна будзе ўбачыць дакументальнае кіно, створанае беларускімі рэжысёрамі ў розныя гады.

Прамая трансляцыя з горада Бялынічы Магілёўскай вобласці пачнецца на тэлеканале “Беларусь 3” у 12:00. Першымі за права выступіць на галоўнай сцэне Міжнароднага фестывалю мастацтваў “Славянскі базар у Віцебску – 2024” будуць змагацца дзеці. У 17:00 творчае спаборніцтва, якое пройдзе з удзелам папулярных артыстаў эстрады, працягнуць дарослыя.

8 сакавіка тэлеканал "Беларусь 3" прапануе падборку яркіх канцэртных праграм і савецкага кіно для глядачак усіх узростаў. Пачнецца тэматычны паказ у 08:05 анімацыйнай стужкай "Пунсовая кветачка". На працягу дня ў праграме культурнага канала добрыя казкі "Мэры Попінс, да пабачэння" і "Варвара-краса, доўгая каса", камедыі "Па сямейных абставінах", "Вяселле ў Малінаўцы" і "Беражыце жанчын".

Тэлеканал “Беларусь 3” штодзень на роднай мове знаёміць гледачоў з матэрыяльнай і духоўнай культурнай спадчынай краіны. Традыцыйна знакавыя гістарычныя даты адгукаюцца тэматычнымі эфірамі. 21 лютага тэлеканал далучаецца і да святкавання Міжнароднага дня роднай мовы.

27 студзеня на тэлеканале «Беларусь 3» да 80-годдзя зняцця блакады Ленінграда і Міжнароднага дня памяці ахвяр Халакоста адбудзецца спецыяльны паказ гульнявых і дакументальных стужак, тэлеверсій спектакляў беларускіх тэатраў.

З вясёлай музыкай, заваднымі танцамі і нацыянальным каларытам сустрэне свята тэлеканал "Беларусь 3". Упрыгожаннем дзённага эфіру 31 снежня стануць тэматычныя выпускі музычных праектаў "Наперад у мінулае" і "Нацыянальны хіт-парад", а таксама навагоднія канцэрты Сімфанічнага аркестра Белтэлерадыёкампаніі і ансамбля народнай музыкі "Бяседа".