Көчле буран аркасында Чулман елгасы аша боз кичүе вакытлыча ябылды
(Казан, 19 гыйнвар, «Татар-информ»). Республикада Түбән Кама районы Покровский авылыннан Красный Ключ поселогына кадәр Чулман елгасы аша боз кичүе вакытлыча ябылды. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәте хәбәр итә.
Бүген елга аша кышкы юл буенча хәрәкәт 3.50 сәгатьтә ябылды. Вакытлыча чикләүләрнең сәбәбе - һава шартларының начар булуы - көчле кар, буран.