Магнитогорскида «Хәтер» татар җыр сәнгате фестивале уза
(Казан, 14 ноябрь, «Татар-информ»). Магнитогорск татарлары XV татар җыр сәнгате фестивалендә катнашырга чакыра. Эпидемиологик хәл начар булу сәбәпле, фестиваль, катнашучыларның видеоязмалары буенча, дистанцион рәвештә уза, дип хәбәр итә Магнитогорск шәһәре татарлары ның милли-мәдәни автономиясе. 1—22 нче ноябрь көннәрендә гаризалар һәм видеоязмалар otk-ddn@yandex.ru адресы буенча электрон почтага кабул ителә. 23— 25 ноябрьдә жюри әгъзалары катнашучыларның конкурс программалары белән танышачак; 29 ноябрь көнне 12: 00 сәгатьтә — онлайн Гала-концерт, нәтиҗәләр игълан итү көтелә. Фестиваль нәтиҗәләре Магнитогорск шәһәренең «Халыклар дуслыгы йорты» сайтында һәм социаль челтәрләрендә чыгачак.