Татарстанда иҗтимагый киңлекләрне төзекләндерү өчен 275 меңнән артык кеше тавыш биргән
Татарстанда яшәүче 275 меңнән артык кеше иҗтимагый киңлекләрне төзекләндерү өчен тавыш биргән, алар 2025 елда төзекләндереләчәк. Бу хакта бүген Татарстан җитәкчесенең матбугат хезмәте хәбәр итә.
Татарстан Хөкүмәте Йортында киңәшмәдә республика Рәисе Рөстәм Миңнеханов мәгълүмат кампаниясен көчәйтергә һәм тавыш бирү турында халыкка активрак хәбәр итәргә чакырды. Ул тәмамланырга ике атнадан аз гына күбрәк вакыт калды, дип искәртте республика җитәкчесе.
Татарстан төзелеш, архитектура һәм торак-коммуналь хуҗалык министры Марат Айзатуллин сөйләвенчә, көтелгән катнашучыларның 67 проценты тавыш биргән. Узган атнада динамика 76 мең кеше тәшкил иткән.
«4 муниципалитет планны үтәгән инде. Алар – Арча, Биектау, Саба һәм Әлки районнары», - диде министр.
Тагын 10 районда тавыш бирүчеләр 90 проценттан арткан.