Данис Зарипов «Ак Барс» белән бер сезонга яңа контракт имзалады
«Ак Барс» капитаны Данис Зарипов бүген Казан клубы белән бер сезонга контракт имзалады. Бу хакта клубның матбугат хезмәте хәбәр итә.
Узган сезонда форвард 27 матчта катнашты һәм файдалылык күрсәткече «+2» белән 12 (4+8) очко җыйды.
Зарипов - биш тапкыр Гагарин кубогы алды һәм КХЛ тарихындагы шундый бердәнбер уенчы булды. Ул Гагарин кубогын «Ак Барс» составында өч тапкыр, Магнитогорскиның «Металлург» командасы составында ике тапкыр алды.
Һөҗүмче өчен киләсе сезон «барслар» составында унисигезенче булачак.
Гомумән алганда, Данис Зарипов «Ак Барс» киемендә 645 (292+353) очко җыеп, Россия чемпионатларында 913 матч үткәрде.