Татарстанда 8 градуска кадәр җылытачак
(Казан, 10 март, «Татар-информ»). Иртәгә, 11 мартта, Татарстанда һава температурасы күтәрелүе көтелә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.
Төнлә һәм иртән республикада урыны белән яңгыр явачак. Томан төшәргә мөмкин. Көндез явым-төшем көтелми. Көньяк һәм көньяк-көнбатыштан уртача тизлектә җил исәчәк.
Төнлә һава температурасы -1...+4 градус була. Көндез һава температурасы +3...+8 градуска кадәр күтәреләчәк.