Әлмәт спортчылары кикбоксинг буенча чемпионатта сигез медаль яулады
(Әлмәт, 6 февраль, «Татар-информ», «Әлмәт таңнары»). 29 гыйнвардан 1 февральгә кадәр Казан шәһәрендә кикбоксинг буенча Идел буе федераль округы чемпионаты һәм беренчелеге узды. Киеренке көрәш нәтиҗәсендә, Әлмәт егетләре 4 алтын, 1 көмеш һәм 3 бронза медаль яулый алды. Бу турыда район басмасы хәбәр итә.
Бу ярышларда Идел буе федераль округының 11 регионыннан 474 спортчы катнашты.
Татарстан Республикасы җыелма командасы составында Әлмәтнең Олимпия резервы спорт мәктәбенең кикбоксинг бүлегендә шөгыльләнүче 20 спортчы катнашты.
Ярышларның җиңүчеләре һәм призерлар 2020 елгы Россия чемпионатында һәм беренчелегендә катнашу хокукын яулады.