Ольга Павлова: Россия Президенты илнең социаль үсешенә югары вектор бирде
(Казан, 15 гыйнвар, «Татар-информ»). Бүген Россия Президенты Владимир Путин Федераль Җыенга еллык Юлламасында җиткерелгән балалы гаиләләрнең социаль иминлеген арттыру чаралары халык үсеше һәм аның мул тормышы өчен нигез булачак. Мондый фикерне РФ Дәүләт Думасы депутаты Ольга Павлова әйтте.
Ул дәүләт башлыгының ярлылык белән көрәш һәм демографияне арттыру темаларын кузгатуны искәртте.
«Президент үсешнең бик югары социаль юнәлешен бирде, — диде парламентарий. — Балалы гаиләләрнең тормыш дәрәҗәсен күтәрүгә илдәге демография дәрәҗәсе дә, икътисадның үсеш дәрәҗәсе дә турыдан-туры бәйле. Президент хәбәр иткәнчә, балалы гаиләләрнең социаль иминлеген арттыру чаралары халыкның һәм аның тормыш-көнкүрешенең нигезе булыр, дип ышанам».
Узган елда илнең кайбер төбәкләрендә сынау проектлары бар иде, аларның максаты — ярлылык сәбәпләрен һәрьяклап анализлау һәм ярлылык дәрәҗәсен киметергә ярдәм итәчәк универсаль механизмнар эшләү. Сынау нәтиҗәләрен бу язда ук күрсәтәчәкләр.
«Без сынау проектлары булган субъектларның тәҗрибәсен өйрәнәчәкбез һәм федераль дәрәҗәдә иң яхшы тәҗрибәләрне кертәчәкбез», — диде парламентарий.
Шулай ук ул ил гражданнарының үзләренең роленә дә игътибар итте. «Президент әйткәнчә, халыкның лаеклы тормыш дәрәҗәсенә ирешү буенча барлык программалар һәм планнар гражданнарның үзләре катнашында төзелергә һәм гамәлгә ашырылырга тиеш», — дип саный Павлова. Гражданнар инициативасы киләчәк эш өчен нигез булырга тиеш, диде ул.