Новости за 18.10.2021

(Казан, 18 октябрь, «Татар-информ»). 20 октябрьдә сәгать 12:00дә Татар китабы йортында татар әдәбиятының классик шагыйре, җәмәгать эшлеклесе, сәнәгатьче һәм хәйрияче Закир Рәмиевнең (Дәрдмәнд) тормышы һәм иҗатына багышланган күргәзмә ачыла. Бу хакта Татар китабы йортының матбугат хезмәте хәбәр итә. 2021 елда татар халкының иҗтимагый-мәдәни тормышында зур урын алып торган бу шәхеснең вафат булуына 100 ел тулды. Тарихи һәм билгеле бер дәрәҗәдә географик шартлар бу уникаль шәхеснең матди мирасын саклауны шактый катлауландырган. Читать дальше...

(Чирмешән, 18 октябрь, «Татар-информ», «Безнең Чирмешән» , Кадрия Гамирова). Чирмешән районының Мөшбикә мәчете октябрьнең беренче атнасыннан дин дәресләрен башлап җибәрде. Хатын-кызларны Диләрә Ханова, ир-егетләрне Хәбир Ханов укыта. Ике сәгать дәвамында укучыларга гарәп графикасы, ислам нигезләре һәм хәдисләр өйрәтелә. «Үткән ел коронавируска бәйле вәзгыять сәбәпле, дәресләр уздырмадык. Укырга теләүчеләр күп. Дин сабагы өйрәнергә бер вакытта да соң түгел, килегез» — диде мәчет имамы Хәбир хәзрәт Ханов. Читать дальше...

(Менделеевск, 18 октябрь, «Татар-информ», « Менделеевск яңалыклары »). Менделеевск районында хәзерге вакытта иҗтимагый киңлекнең өченче чиратын куллануга тапшыру буенча ахыргы эшләр алып барыла. Паркның яңа өлешендә таш түшәлгән, Тойма елгасы янында йөрү өчен зона булдырылган, балалар мәйданчыгына ком китерелгән, кече архитектура формалары урнаштырылган: тау, атынгычлар. Яңа заманча эскәмияләр куелган. Исегезгә төшерәбез, «Ушков утраулары» паркының өченче чиратын булдыруга Менделеевск 50 миллион сум алды. Читать дальше...

(Казан, 18 октябрь, «Татар-информ»). Илгизә Шәйхаттарованың «Өмет» газетасында биш ел элек төзелгән мәдрәсәдә укулар башлануы турында язган. Безнең Сенгилей районы Красный Гуляй бистәсендә биш ел элек мәчет янәшәсендә генә мәдрәсә бинасы төзелде. Дини уку йорты бик күп кешеләр үтенече буенча сафка бастырылып, мөселманнарга үзенең ишекләрен ачып җибәрде. Мәдрәсәнең беренче мөгаллимәсе Гөлсирә ханым Ульяновскида Рөстәм хәзрәттән гыйлем алып кайтты. Ул шулай ук «Биләр» мәдрәсәсендә дә белемен күтәрде. Читать дальше...

Алты елга колониягә хөкем ителгән Азат Мифтаховның хатыны Елена Горбань Киров өлкәсендәге колониягә барып ире белән очрашканнан соң Азатлыкка Азатның андагы тормышы турында сөйләде.