Татарстанның сәламәтлек саклау министры урынбасары Елена Шишмарева үз йортында үле килеш табылган. Моңа кадәр ул бюджет акчаларын урлауда шикләнелеп йорт сагына алынган иде.
Башкортстанның Стәрлетамак шәһәрендә ике бинаның икенче катын тоташтыручы корылма җимерелгәннән соң ул биналарның берсендә яшәүчеләр, үзләренең куркыныч астында калуларын белдереп, хакимияттән чаралар күрүне таләп итә. Шәһәр үзәгендә "Машстрой" ширкәте бинасы белән торак йортны тоташтыручы 400 тонналы корылма берничә көн элек җимерелгән иде. Бу хәлдән соң йортта зур ярыклар барлыкка килгән һәм анда яшәүчеләр диварларның ишелү куркынычы турында белдерә. Алар хакимиятнең бу хәлгә битараф калуына зарлана.
7 февраль Бөтендөнья татар конгрессы Милли шурасы президиумы утырышында президент сайлауга чакырып татар халкына мөрәҗәгать кабул ителде. Моннан тыш, җыелыш утырышында Татар эшмәкәрләре җыенын, авыл тарихын өйрәнүчеләр форумын үткәрү мәсьәләсе дә каралды.
Дагыстан башлыгы вазифаларын башкаручы Владимир Васильев Татарстанның элекке иктисад министры Артем Здуновны Дагыстан премьер-министры итеп билгеләү турында фәрман имзалады. Аңа кадәр бүгенге утырышта республиканың Халык җыены депутатлары Здунов намзәтен хуплаган иде.
"Азатлык" татар яшьләре берлеге активистлары Татарстан туграсы кабул ителгән көнгә багышлап Казанның Бауман урамында үзенең инде гадәткә кергән чарасын уздырды. Алар республика туграсы сурәте төшерелгән биш мең әләм һәм Татарстан флагы төсендәге тасмалар таратты.
Русия Үзәк сайлау комиссиясе Григорий Явлинский, Сергей Бабурин һәм Борис Титовны ил президенты вазифасына намзәтләр буларак теркәде.
Дагыстаннар Татарстан иктисад министры Артем Здуновның Дагыстан республикасы премьер-министры итеп билгеләнүенә каршы кампания уздыра.
Казанда татар теле һәм әдәбиятыннан төбәкара олимпиадага нәтиҗәләр ясалды. Бу – берничә ел дәвам иткән чара. Быелгы олимпиадада Татарстан һәм Русиянең 20 төбәгеннән йөздән артык мәктәп укучысы катнашты.
7 февраль Чаллы шәһәре мәхкәмәсе татар милли хәрәкәте активисты Рәфис Кашаповны күзәтүгә алу турындагы мөрәҗәгатьне карап тормады. Моны Кашаповның мәхкәмәгә килмәве белән аңлаттылар. Активист Русиядән киткән иде.
Дөнья татар яшьләре форумы чираттагы "Акыл фабрикасы" чарасын милли проектларга финанслау җәлеп итү, төрле бәйге-грантларда җиңү юлларына багышлый.
Вашингтонда Русия илчелеге каршындагы мәйданга Русиянең берничә ел элек үтерелгән оппозиция сәясәтчесе Борис Немцов исеме бирелде.
6 февральдә Канаверал борыныннан (Флорида) галәмгә йөк ташучы Falcon Heavy авыр корабын тәкъдим итү очышы булды.
Татарстанда Милли университет булдыру идеясен педагогия институтына калдыруны галимнәр, белгечләр дөньядан артка калу, чигенү буларак бәяли.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.