Ysraýyl Ben Gurion howa menziline urlan zarba üçin Ýemendäki porta hüjüm etdi
Ysraýylyň Goranmak güýçleri, IDF birinji gün agşamy, 5-nji maýda Ýemeniň Hodeýda portuna we Al-Hodeýdah sebitindäki sement zawodyna howa zarbasyny urandygyny habar berdi.
Bu nyşanalar şaýylaryň harbylaşdyrylan topary “Ansar Allah” tarapyndan dolandyrylýan ýerlerde ýerleşýär, olar hutiler diýlip hem tanalýar.
Howa hüjümine 20 töweregi söweş uçary gatnaşdy. Ysraýyl bilen zarba urlan nyşanlaryň arasyndaky aralyk takmynan iki müň kilometre barabar.
IDF bu hüjümi 4-nji maýda Tel Awiwiň Ben Gurion howa menziline edilen raketa hüjümine jogap diýip atlandyrdy.