Новости за 21.05.2025

Birleşen Ştatlaryň döwlet sekretary Marko Rubio 20-nji maýda Senatyň Daşary gatnaşyklar komitetinde geçirilen diňlenişikde Hazarüsti taslamasynyň durmuşa geçirilmeginiň ABŞ-nyň daşary syýasat bähbitlerine gabat gelýändigini aýtdy.

Ahal welaýatynda gulluk borjuny ýerine ýetirýän esgerler sebitiň gowaça meýdanlarynda otag we ýekeleme işlerine çekilip başlandy. Bu ýagdaý esgerleriň gullukdan gaçmaga synanyşmagy bilen bagly wakalaryň köpelmegine, hem-de otly, awtobus menzillerinde harby gözegçiligiň güýçlendirilmegine getirýär.

Günbatar Balkan welaýatynda köp sanly döwlet edara-kärhanalarynyň işgärleri, şol sanda mugallymlar, nebitgaz we aragatnaşyk pudaklarynyň işgärleri, şu günler sebitde güýçlenen nagt ýetmezçiliginiň arasynda, aýlyk zähmet haklaryny bankomatlardan nagtlaşdyrmakda kynçylyk çekýärler. Ýerli ýaşaýjylar dowam edýän ykdysady kynçylyklaryň arasynda aýlyk girdejileriniň, onsuz hem bazarlardaky bahalara bäs gelip bilmeýändigini aýdýarlar. “Balkanabat şäherinde tas hiç bir bankomatda diýen ýaly nagt pul ýok” diýip, sebit ýaşaýjylary aýdýar. Читать дальше...

20-nji maýda agşam aşa-milletçi “Rumynlaryň birleşmegi üçin alyansyň” (AUR) ýolbaşçysy Džordje Simiýon Rumyniýada geçen prezident saýlawlarynyň netijelerine garşy çykmakçy bolýandygyny mälim etdi. Bu saýlawda onuň garşydaşy, garaşsyz kandidat Nikuşor Dan ýeňiş gazandy. Buharestiň şäher häkimi, Ýewropa tarapdar merkezçi syýasatçy Nikuşor Dan 18-nji maýda geçirilen saýlawlaryň ikinji tapgyrynda sesleriň 54% töweregini alyp, Simiýony ýeňipdi. Saýlawyň resmi netijeleri yglan edilenden soň Simiýon ýeňlişini boýun aldy we Dany ýeňşi bilen gutlady. Читать дальше...

Türkmen häkimiýetleri millilik we watansöýüjilik talaplaryny güýçlendirip, ozalam zordan güzeran aýlaýan adamlaryň eklenjini kynlaşdyrýarlar, ýöne bu çäre käbir telekeçiler üçin goşmaça gazanç etmek mümkinçiligini berýär diýip, Azatlygyň habarçysy habar berýär. Täze talaplar toýhana, restoran, garbanyşhana desgalaryndan başlanyp, köçelerde ulanylýan hususy awtoulaglary hem öz içine alýar. Balkandaky habarçymyz bu täzeligiň bir hepde gowrak ozal eşidilendigini, ýöne olar barada resmi düşündiriş almak mümkinçiliginiň bolmandygyny aýdýar. Читать дальше...

20-nji maýda Türkmenistanyň daşary işler ministri Raşid Meredow Tähranda Eýranyň prezidenti Masud Pezeşkiýan bilen duşuşdy. Türkmenistanyň daşary syýasat edarasynyň maglumatyna görä, duşuşygyň dowamynda ikitaraplaýyn gatnaşyklaryň derwaýys meseleleri, şeýle hem syýasy-diplomatik, söwda-ykdysady, ulag, energetika ýaly ugurlaryndaky hyzmatdaşlyk maslahat edilipdir. Eýran prezidentiniň websaýtyndaky maglumata görä, Pezeşkiýan Tähranyň Türkmenistandan gazy import etmäge, şeýle-de goňşy döwletlere swap... Читать дальше...

Ýewropa Bileleşigi Azat Ýewropa/Azatlyk Radiosy mediakorporasiýasyna gyssagly kömek hökmünde 5.5 million ýewro möçberinde maliýe goldawyny bölüp bermek barada ylalaşdy. Bu barada 20-nji maýda ÝB-niň daşary syýasat boýunça ýolbaşçysy Kaýa Kallas mälim etdi. Kallasyň sözlerine görä, ÝB ýurtlarynyň daşary işler ministrleri Azatlyk Radiosynyň möhüm işine goldaw bermek maksady bilen bu maliýe bukjasyny makullady. “Gysga möhletleýin gyssagly maliýeleşdiriş garaşsyz žurnalistika üçin kepillikdir” diýip, Associated Press onuň sözlerini sitirledi. Читать дальше...