Hukuk topary: Eýranda syýasy sebäpler esasynda asylýan köpeldi

Eýranda režimiň tankytçysy hasaplanylýan adamlaryň gorkuzylmagynyň we olardan öç alynmagynyň güýçlenmeginiň arasynda, syýasy äheňli aýyplamalar esasynda jezalandyrylyp öldürilýän adamlaryň sany hem soňky wagtlar kesgin ýokarlandy diýip, düýbi ABŞ-da ýerleşýän hukuk guramasy 2-nji awgustda aýtdy.


Eýranyň Nýu-Ýorkda ýerleşýän Adam hukuklary merkeziniň çap eden beýanatynda aýdylmagyna görä, soňky 10 aýyň dowamynda azyndan 17 eýranly, köpüsi ýaş adam asylyp öldürildi.


"Jezalandyrylyp öldürilýänleriň sany Eýranda 2022-nji ýylyň sentýabr aýynda 22 ýaşly Mahsa Jina Amininiň döwlet gözegçiliginde ölmegi bilen başlanan protestlerden soň ýokarlandy" diýip, Eýranyň Adam hukuklary merkezi aýtdy.