Berdimuhamedowlar Aşgabatda "Gazpromyň" başlygy bilen energiýa hyzmatdaşlygyny maslahatlaşdy
Duşuşygyň dowamynda taraplar “ýangyç-energetika toplumynda ýola goýlan netijeli hyzmatdaşlygyň ileri tutulýan ugurlary barada” pikir alyşdylar; “Gazpromyň” türkmen gazyny satyn almagy bilen bagly meseleler ara alnyp maslahatlaşyldy.
Ýöne habarda iki ýurduň arasyndaky gaz söwdasynyň gelejegi, taraplaryň bu meseledäki garaýyşlary barada hiç zat aýdylmaýar.
Şeýle-de, türkmen prezidenti bilen moskwaly emeldaryň “özara gyzyklanma bildirilýän käbir soraglar boýunça pikir alyşandygy” bellenilýär.
A.Miller Türkmenistanyň Milli geňeşiniň Halk maslahatynyň başlygy Gurbanguly Berdimuhamedow bilen hem duşuşdy diýip, habarda aýdylýar.
Milleriň sapary Russiýanyň prezidenti Wladimir Putiniň Gurbanguly Berdimuhamedowa “Watanyň öňünde bitiren hyzmatlary üçin” ordenini bermek baradaky permana gol çekmeginiň yz ýanyna gabat geldi.