Lawrow Hazarýaka döwletleriniň ministrler duşuşygyna gatnaşmak üçin Aşgabada geldi
Ol Aşgabat şäherinde 29-njy iýunda geçiriljek Hazar sammitiniň öňüsyrasynda, Hazarýaka döwletleriniň ýokary derejeli diplomatlarynyň 28-nji iýunda geçiriljek ýygnagyna gatnaşar.
28-nji iýunda daşary işler ministrleri derejesinde geçirilýän duşuşyga S. Lawrow bilen bilelikde Azerbaýjanyň, Eýranyň, Gazagystanyň we Türkmenistanyň daşary işler ministrleri gatnaşýar.
Russiýanyň Daşary işler ministrliginiň metbugat wekili Mariýa Zaharowanyň aýtmagyna görä, ýokary derejeli diplomatlar Hazar sebitindäki hyzmatdaşlyk we öňde durýan Hazar sammitine taýýarlyk, hyzmatdaşlygyň ugur-ýollary barada pikir alşarlar.