Zelenki Russiýanyň Ukraina has köp goşun iberýändigini aýdýarka, Kiýewiň daşynda güýçli söweşiň bolandygy habar berilýär
12-nji martda rus lideri bilen geçirilen üç taraplaýyn telefon gepleşiginde Fransiýanyň prezidenti Emmanuel Makron we Germaniýanyň kansleri Olaf Şolz Putini söweşi duruzmaga we ot açmagy dessine bes etmäge razy bolmaga çagyrdy.
Makronyň edarasy Putiniň parahat ilatdan ýüzlerçe adamy öldürendigi çaklanylýan we Ýewropada uly migrasiýa krizisini döreden urşuny bes etmek niýetiniň ýokdugyny aýtdy.
24-nji fewraldan bäri rus goşunlary parahat ilatyň ýaşaýan ýerlerini weýran edip, bigünä adamlary öldürýär.
Iň agyr söweşleriň käbiri Ukrainanyň gündogaryndaky esasy port şäheri Mariupolda bolup geçýär. Bu ýerde rus goşunlary bäbekhana hüjüm edip, ýaşaýyş jaýlaryny partladyp, şäheri weýran etdi.