Gyrgyz deputatlary öňki prezident Atambaýewiň eldegrilmezlik hukugyny ýatyrmaga ses berýärler
Kanun çykaryjylar Atambaýewiň wezipede wagty öz ygtyýarlyklaryndan bikanun peýdalanandygy barada aýdylýanlar arasynda bu karary 100 deputatyň goldamagynda, 5 deputatyň garşy çykmagynda tassyk etdiler.
20-nji iýundaky ses berişlik Atambaýewe ýakyn ozalky resmileriň birnäçesiniň gyssanmaç tussag edilmeginiň yz ýanyndan, häzirki prezidentiň häkimiýetiniň berkitmeginiň çäginde guraldy.
Atambaýewiň Gyrgyzystany alty ýyllap dolandyran möhleti 2017-nji ýylda, onuň häkimiýeti özüniň ozalky premýer-ministri Sooronbai Jeenbekowa geçirmäge kömek etmegi bilen tamamlandy.
Atambaýew Jeenbekowyň öz syýasatyny dowam etdirmegine garaşdy, emma mirasdüşer basym onuň garşysyna çykyp başlady.
Parlament komissiýasy şu hepde Atambaýewi alty sany aýypda, şol sanda korrupsiýada aýyplady we bu ýagdaý 20-nji iýunda onuň eldegrilmesizliginiň aýrylmagyna sebäp boldy.