Belgraddaky 28-nji protest maliýe ministriniň doktorlyk derejesini nyşana aldy
Serbiýanyň hökümete garşy protestçileri 15-nji iýunda Belgradyň köçelerinde 28-nji ýörişlerini amala aşyrdylar. Bu demonstrasiýalar ýarym ýyldan gowrak wagt bäri her hepdäniň altynjy güni geçirilýär. Başda olar oppozisiýa lideri Borko Stefanowiçe edilen hüjümden soň başlandy, protestçiler talaplaryny köpeldip, serb prezidenti Aleksandar Wuçiçiň işden çekilmegini hem talap edýärler. 15-nji iýundaky ýöriş, Serbiýanyň maliýe ministri Sinisa Maliniň öz doktorlyk dissertasiýasyny ‘göçürendigi’ barada aýdylýanlara jogap hökmünde, Belgrad uniwersitetiniň baş edarasynyň daş işiginde tamamlandy. Uniwersitet komissiýasy maýda Maliniň işiniň göçürilmändigini gapma-garşylykly ýagdaýda yglan etdi.