Новости за 23.11.2021

Türkmenistanda häzir harby gulluga çagyryş möwsümi dowam edýär. Şu ýyl Mary welaýatynda degişli resmilere para berip, öz çagalaryny harby gullukdan alyp galmakçy bolýan adamlaryň sany geçen ýyldaka garanda iki esse artdy. Bu ýagdaý çagyryş boýunça harby gullugyň töweregindäki para-berimiň hem möwjemegine getirdi. Bu barada welaýatyň harby bölüminiň bir işgäri anonimlik şertinde Azatlyk Radiosynyň habarçysyna gürrüň berdi. "Şu günler telekeçiler we gurply maşgalalar öz çagalaryny harby gullukdan... Читать дальше...

Türkmenabatda 2014-nji ýyldan bäri Ruhyýet köşgüniň öňünde oturdylýan täze ýyl arçasy bu ýyl “Türkmeniň ak öýüniň” öňünde gurulýar.

Balkan welýatynyň Türkmenbaşy şäherinde ilatyň azyk paýlary gijikdirilýär. Azyk harytlarynyň gymmatçylygy we bankomatlaryň öňünde pul nagtlaşdyrmak üçin garaşýan adamlaryň uly nobaty saklanyp galýar.

Türkmenistanyň paýtagtynda "Aşgabat agyz suw birleşiginiň" işgärleriniň zähmet haklary duýdansyz 30%-e çenli kemeldildi. Bu barada işgärler oktýabr aýy üçin zähmet haklary berlende bilip galdylar. Şeýle-de, ýurtda çaga seretmek üçin berilýän döwlet kömek pulunyň möçberi hem azaldyldy. Bu ýagdaýlaryň jikme-jikleri barada Azatlyk Radiosynyň habarçysy Aşgabatdan maglumat berýär.

BMG-niň atom agentliginiň başlygy, Eýranyň ýadro desgalaryna baryp görmek üçin has köp mümkinçilikleriň döredilmegi ugrunda basyş etmek üçin, yslam respublikasynyň resmileri bilen duşuşýar. Bu 2015-nji ýyldaky ýadro ylalaşygy boýunça öňümizdäki hepde Wenada başlanmaly gepleşikleriň öňýanynda amal edilýär.

Mary welaýatynyň Baýramaly etrap hassahanasyna ýerleşdirilen zir-zibil dörýän, öýsüz adamyň duçar bolan güni ýurtdaky ykdysady kynçylyklaryň we saglyk pudagynyň häzirki ýagdaýynyň gerimini açyp görkezýär.

Azatlyk Radiosynyň habarçysy Maryda bir ýük ulag sürüjisiniň ýaňy-ýakynda başdan geçiren wakalaryna salgylanyp, Türkmenistanda ýönekeý raýatlaryň gündelik durmuşyna barha agram salýan durmuş-ykdysady problemalar barada habar berýär.

22-nji noýabrda Aşgabatda Hyzmatdaşlyk boýunça türkmen-hytaý komitetiniň bäşinji mejlisi geçirildi. Onuň dowamynda türkmen tarapyna, ýurduň syýasy durmuşynda barha köp roly oýnaýan, wise-premýer Serdar Berdimuhamedow ýolbaşçylyk etdi. Hytaýyň delegasiýasyna HKP-nyň MK-niň Syýasy býurosynyň Hemişelik toparynyň agzasy, Hytaýyň Döwlet geňeşiniň wise-premýeri Han Çžen başlyklyk etdi. Türkmenistanyň Daşary işler ministrliginiň maglumatyna görä, maslahatyň dowamynda beýleki meseleler bir hatarda nebitgaz... Читать дальше...

ABŞ-nyň Döwlet departamenti “Yslam döwleti” ekstremistiki toparynyň Owganystandaky şahamçasynyň üç liderini global terrorçy hökmünde häsiýetlendirendigini mälim etdi. Döwlet departamenti 22-nji noýabrda ýaýradan beýanatynda “Yslam döwleti – Horasan welaýaty” toparynyň üç agzasyna Aýratyn Howply Global Terrorizmi aktyna laýyklykda bu häsiýetlendirmäniň berlendigini aýtdy. Ol başga-da ýene bir adama Owganystandaky “Yslam döwleti – Horasan welaýaty” toparyna hemaýat berendigi üçin ABŞ-nyň Maliýe... Читать дальше...

Owganystanyň ýörite güýçleriniň we komando bölümleriniň ozalky ýokary derejeli wekilleri ABŞ-a ýüzlenip, “ynsanperwer heläkçiligiň” öňüni almak maksady bilen, ýurtda galan şahsy düzümiň beýleki agzalaryny hem Birleşen Ştatlara äkitmäge çagyrdylar. Bu barada atlandyrylmasyzlygyny soran ozalky ýokary derejeli howpsuzlyk resmisi 23-nji noýabrda Azatlyk Radiosyna beýanat ugratdy. Awgustyň ortasynda ABŞ-nyň we koalisiýadaky beýleki döwletleriň öz goşunlaryny Owganystandan çykarmagyndan soň Günbatar... Читать дальше...

Bolgariýanyň günbatarynda bir awtobusyň ýol heläkçiligine uçrap, oda tutaşmagy netijesinde azyndan 46 adam, esasan hem Demirgazyk Makedoniýadan gelen syýahatçylar heläk boldy. Ýerli polisiýa resmileri ölenleriň arasynda 12 çaganyň hem bardygyny mälim etdiler. Heläkçilikde ýaralanan ýedi adam dessine paýtagt Sofiýadaky keselhanalara äkidildi. Aşgabat wagty bilen ir sagat 5-de Bosnek obasynyň golaýynda ýüze çykan heläkçiligiň sebäpleri häzirlikçe aýdyň däl. Awtobus Stambuldan Demirgazyk Makedoniýanyň paýtagty Skopýe tarap hereket edýärdi.