Новости за 23.06.2020

Türkmenistanda dowam edýän syýasy, ykdysady we sosial problemalar güýçlenip, ilat köpçüliginiň durmuş şertleriniň agyrlaşýan wagtynda, ýurduň daşyndaky türkmenistanlylar öz närazylygyny bildirmegini dowam etdirýärler. Türkmen raýatlarynyň dürli ýurtlarda jemlenip, geçirýän çykyşlary aýra-başga bolsa-da, ählisiniň mazmuny birmeňzeş – olar Türkmenistanyň hökümetiniň syýasatyny tankyt edýärler. Olar nämeden nägile bolýarlar? Azatlyk Raidosynyň şu günki söhbetdeşleri Nýu Ýork şäherinden Nagima Muzapberowa we Zara Haýytmyradowa.

Bahasy 10 milliard dollara barabar TOPH gaz geçiriji taslamasynyň maliýe zerurlyklary çözülmedi diýip, Pakistanyň “The News” neşiri habar berýär.

Owgan resmileri “Talyban” söweşijileriniň onlarçasynyň ýurduň demirgazygynda amala aşyran gijeki reýdlerinde birnäçe barlag nokadyna hüjüm edendigini we azyndan 14 howpsuzlyk işgärini öldürendigini aýdýarlar. 23-nji iýunda irden bolan ýowuzlyk, häkimiýetler “Talybany”, iki tarapyň hem gijikdirilen parahatçylyk gepleşiklerine başlamaga taýýardyklaryny aýdýan wagtynda, owgan howpsuzlyk güýçlerine edilýän hüjümleri artdyrmakda aýyplamagynyň yzýanyna gabat geldi.  Resmiler Gunduz welaýatynda bir... Читать дальше...

Ýurtda koronawirusyň ýokdugyny aýtmagy dowam etdirýän Türkmenistanyň häkimiýetleri birden ýokanç keselleriň ýaýramagynyň öňüni almak üçin çäreleri güýçlendirdi. Saglygy saklaýyş işgärleri indi medisina maskalarynda we elliklerde işlemeli edildi. Paýtagtyň köçelerinde maskaly adamlar peýda boldy. Şol bir wagtyň özünde Azatlygyň habarçylary Türkmenistanda COVID-19 keseli täze anyklanan adamlaryň barha köpelýändigini aýdýarlar. "Ýagdaý gitdigiçe özgerýär" diýip, Aşgabatdaky habarçymyz 23-nji iýunda aýtdy. Читать дальше...

Türkmenistanyň Merkezi banky pandemiýa sebäpli daşary ýurtlardan dolanyp bilmeýän türkmen raýatlaryna Western Union pul geçirim hyzmatlary arkaly her aýda ibermäge rugsat berilýän maliýe serişdeleriniň möçberini 500 dollara çenli artdyrmaga rugsat berdi diýip, ýarym-resmi turkmenportal neşiri habar berýär. Şol bir wagtda, koronawirus pandemiýasynyň tutuş dünýäde ýaýrap başlamagyndan ençeme aý wagt soň kabul edilen bu täze mümkinçiligiň daşary ýurtlarda bilim alýan türkmen studentlerine degişli däldigi hem bellenilýär. Читать дальше...

Türkmenistanyň gündogar sebitlerinde bolan harasatdan bäri iki aýa golaý wagtyň geçendigine garamazdan, Lebabyň ençeme etrapdyr obasynda elektrik togy we öý telefon liniýalary heniz hem dikeldilmeýär. Käbir sebitleriň ilatyna elektrik energiýasy günüň dowamynda diňe 2 sagat berilýär. Bu barada Azatlyk Radiosynyň Lebaba sapar eden habarçysy habar berýär. "Internet tas ähli ýerde işlemeýär, işleýän bolsa welaýatyň diňe 5%-nde işleýändir. Köp ýerlerde tok we öý telefonlary heniz hem dikeldilmändir. Читать дальше...

Gyrgyzystanyň sudy 2013-nji ýylda jenaýat toparynyň lideri Aziz Batukaýewiň bikanun türmeden boşadylandygy üçin öňki gyrgyz prezidenti Almazbek Atambaýewi 11 ýyl iki aý türme tussaglygyna höküm etdi. Prokurorlar Birinji Maý etrap kazyýetinden 23-nji iýunda azatlykdan mahrum edilen öňki lideriň 15 ýyl türme tussaglygyna höküm edilmegini soradylar. Özüniň hiç bir kanuny bozmandygyny aýdýan 63 ýaşly Atambaýew geçen ýylyň awgust aýynyň başynda – howpsuzlyk güýçleri bilen onuň tarapdarlarynyň arasynda iki gün dowam eden çaknyşygyň yzýany ... Читать дальше...

ABŞ-nyň Günorta we Günbatar sebitleriniň köp böleginde koronawirus näsaglarynyň sany köpelýär. Bu, Birleşen Ştatlarda koronawirusdan ölenleriň sany 120 müňden aşan mahaly, wirusyň iň ýaramaz derejesiniň heniz öňümizde bolup biljekdigi baradaky aladany güýçlendirýär. ABŞ-nyň 23 ştatynda koronawirus ýokuşan täze adamlaryň sany artýar. Tehasda, Arizonada, Jorjiýada, Floridada we beýleki ýerlerde hassahana düşmek derejesiniň ýokarlanýandygyny we ölüm derejesiniň artyp biljekdigini görse bolýar. Emma... Читать дальше...

ABŞ-nyň meşhur režissýory Joel Şumaher (Joel Schumacher) 22-nji iýunda 80 ýaşynda aradan çykdy diýip, onuň jemgyýetçilik bilen gatnaşyklar toparynyň agzasy aýtdy.  Şumaheriň onlarça ýyllap dowam eden karýerasy iki “Batman”, “Keramatly Elmonyň ody” (St Elmo's Fire) filmlerini we “Ýiten oglanlar” (The Lost Boys) komediýasyny öz içine alýar. Bir ýyl bäri rak keselinden ejir çeken Şumaher Nýu-Ýork şäherinde aradan çykdy. Onuň 1985-nji ýylda döredilen “Keramatly Elmonyň ody” filminde Demi Moore we Rob Lowe ýaly bir topar ýaş aktýor çykyş etdi.

Saud Arabystany koronawirus pandemiýasy sebäpli şu ýyl halkara zyýaratçylarynyň ýyllyk haj zyýaratyny ýerine ýetirip bilmejekdigini yglan etdi. Patyşalygyň Haj we umra ministrliginiň 22-nji iýunda beren maglumatyna görä, şu ýyl diňe Saud Arabystanynda eýýäm ýaşaýan dürli milletlerden bolan musulmanlaryň “örän çäkli möçberi” haj zyýaratyny ýerine ýetirip biler.  Şu ýyl haj zyýaraty möwsümi iýul aýynyň ahyryna gabat gelýär. “Bu karar, yslam dininiň taglymatlaryna laýyklykda adamlaryň janyny goramak... Читать дальше...

Täze dörän koronawirus bilen baglanyşykly, ýarganatlar barada köp zat aýdyp bolardy. Beýleki jandarlaryň bolsa, ol dertden gutulmagyň syrlaryny tapmaga kömek bermegi mümkin. Lamalar mälim edilişine görä, örän seýrek antitela eýe bolup, ol adamlarda koronawirusa garşy immunitet döretmekde alymlara ýardam berip biler. Kinologlar itler bilen işleşip, olara COVID-19-y “ysgap tapmagy”, hatda bu keseliň alamatlary bolanlary-da aýan etmegi öwredýärler. Norkalar bolsa mälim bolmadyk sebäplere görä, pandemiýa wagtynda örän howply jandara öwrüldi. Читать дальше...