Новости за 26.03.2018

Stambulda ýerleşýän hossarsyzlar gonamçylygyna oglunyň mazaryny görmek üçin gelenden soň, onuň ykbaly barasynda Azatlyk Radiosyna gürrüň beren türkmenistanly ene-atanyň aýtmagyna görä, olaryň zähmet migranty ogly mundan bir ýyl owal gurluşykda işläp ýörkä, ýykylyp aradan çykypdyr.

ABŞ-nyň prezidenti Donald Tramp, Orsýetiň öňki içalysy Sergeý Skripal bilen onuň gyzy Ýulianyň Britaniýada nerwlere zyýan ýetirýän madda bilen zäherlenmegine jogap hökmünde, ýurtdan “onlarça rus aňtaw ofiserlerini” çykarmagy we Russiýanyň Seattledaky konsulhanasyny ýapmagy tabşyrdy.

Türkmenistanyň demirgazyk Balkan welaýatynyň käbir etraplarynda türkmen häkimiýetleri mal saklaýan hojalyklara aýlanyp, olara adamlar üçin niýetlenip öndürilýän çörekleri dükanlardan satyn alyp mallaryna bermeklerini, şäher ilatyna umuman mal saklamagy gadagan edýän duýduryşlary berýärler.

Ak Tam 26-njy martda prezident Donld Trampyň Orsýetiň “onlarça aňtaw agentini” ABŞ-dan çykarmagy we Orsýetiň Seattle şäherindäki ilçihanasyny ýapmagy tabşyrandygyny mälim etdi. Orsýetiň habar agentlikleri ABŞ-dan çykarylýan orsýet diplomatlarynyň sanyny 60 adam diýip görkezdi. Munuň bilen bir wagtda Germaniýanyň media serişdeleri Germaniýanyň Britaniýada öňki orsýetli gizlin agentiň zäherlenmegi bilen baglylykda dört sany orsýet diplomatyny ýurtdan çykarýandygyny habar berdiler. Munuň öňüsyrasynda... Читать дальше...

Türkmenistanda Saýlawlary we sala salşyklary geçirmek baradaky Merkezi topar ýurduň Mejlisine deputatlary, halk maslahatlaryna we Geňeşlere agzalary saýlamak boýunça 25-nji martda geçirilen saýlawlara ses berijileriň 91 %-den gowragynyň gatnaşandygyny mälim etdi.

Türkmenistanda ýarym ýyl bäri un gytçylygy sebäpli welaýatlarda ilatyň dürli kynçylyklara ýüzbe-ýüz bolýandygy aýdylýar.

ABŞ-nyň prezidenti Donald Tramp Britaniýada orsýetli öňki gizlin agentiň zäherlenmegine jogap hökmünde azyndan 20 diplomaty ýurtdan çykarmaklyga golaýlady diýip, ABŞ-nyň we halkara media serişdeleri habar berdiler. 25-nji martda CNN we Reuters täzelikler agentlikleriniň habar bermegine görä, Trampyň 26-njy martda gelmegine garaşylýan karary Ýewropaly ýaranlaryň Britaniýanyň Salisbury şäherinde zäherli maddanyň ulanylmagyndaky hüjüme garşy hereketlerine bagly bolar. Orsýetiň öňki gizlin agenti... Читать дальше...

Eýran ABŞ-nyň prezidenti Donald Trampyň BMG-däki öňki ilçisi Jon Boltonyň milli howpsuzlyk boýunça geňeşçisi wezipesine bellemek kararyny tankyt etdi. Eýranyň ýokary derejeli resmisi Trampyň bu kararyny masgaraçylyk we Waşingtonyň Tähranyň hökümetini agdarmak isleginiň alamaty diýip atlandyrdy. Boltonyň metbugat wekili Eýranyň beýanatyny ret edip, ony “propaganda” diýip atlandyrdy. Eýranyň Milli howpsuzlyk boýunça baş sekretary Ali Şamhani öz beýanatynda Boltonyň 2017-nji ýylda ýurduň daşynda... Читать дальше...

26-njy martda Özbegistanyň paýtagtynda Owganystan boýunça halkara konferensiýasy geçirilýär. Daşkentdäki duşuşyga dünýäniň 20-den gowrak ýurdunyň, şol sanda ABŞ-nyň, Ýewropa Bileleşiginiň, Pakistanyň, Eýranyň, Hytaýyň we Merkezi Aziýanyň bäş ýurdunyň wekilleri gatnaşýarlar. Konferensiýada Owganystandaky parahatçylyk prosesi, terrorizme we neşä garşy göreş we regional hyzmatdaşlygy ara alnyp maslahat ediler. Daşkentdäki konferensiýa 28-nji fewralda Owganystanyň paýtagtynda geçirilen Kabul prosesiniň dowamy bolup durýar. Читать дальше...

Orsýetiň adatdan daşary ýagdaýlar boýunça gullugy Sibirde söwda merkezinde bolan güýçli ýangynda azyndan 53 adamyň wepat bolandygyny habar berdi. Orsýetiň Kemerowo şäherinde 25-nji martda bolan ýangynda heläk bolanlaryň gözlegi dowam etdirilýär, pidalaryň sany artýar. Ýene onlarça adam ýitirim boldy. Kemerowo regionynyň gubernatory Aman Tuleýew ýangynda wepat bolan adamlaryň maşgalalaryna 1 million rubl ($17,500) kompensasiýa beriljegini aýtdy. Ýangynyň sebäpleri dessine mälim edilmedi. Häkimiýetler derňewe başlandy. Читать дальше...