Özbegistan Aziýada Ýewropadaky ýaly, bir görnüşli wiza girizmegi teklip edýär
Bu çäre Özbegistanda häkimiýet çalşandan soň, regionyň ýurtlarynyň arasyndaky söwda-ykdysady gatnaşyklary giňeltmek, özara gatnawy ýeňilleşdirmek tagallarynyň çäginde amala aşyrylar.
Özbegistanyň Döwlet syýahat komitetiniň başlygynyň birinji orunbasarynyň wezipesini ýerine ýetiriji Ulugbek Kasymhojaýewiň “Centralasia” neşirine aýtmagyna görä, beýle wizanyň häzire çenli girizilmezliginiň sebäbi bu iki ýburduň beýleki ýurtlar bilen wizasyz gatnaşyga garaýyşlarynyň başga-başga bolmagy bilen bagly.
Kasymhojaýew aziýa ýurtlarynda munuň ýaly multiwizanyň bahalarynyň hem dürli-dürlüdigini we olary birmeňzeş etmek üçin wagt gerekdigini belleýär.
Mundan öň Gyrgyzystanyň we Täjigistanyň wizasyz gatnaşyklara geçmek planlary barada habar berlipdi, Türkmenistanyň bu meseledäki pozisiýasy aýdyň bolman galýar.