Türkiýe Hytaýyň uýgur azlygyna çemeleşişini "adamzat üçin masgaraçylyk" atlandyrdy
Türkiýäniň Daşary işler ministrliginiň sözçüsi Hami Aksoý 9-njy fewralda Hytaýyň 1 milliondan gowrak uýgury uzak-günbatar Sinjiaň sebitindäki “konsentrasiýa lagerlerinde” eden-etdilikli tussag edip saklaýandygy bilinýän fakt diýdi.
Ol günbatar Hytaýdaky uýgur ilatynyň basyş we “sistematiki assimilýasiýa” bilen ýüzbe-ýüz bolýandygyny nygtady.
Bu sözler BMG-niň ekspertler toparynyň bir milliona golaý uýguryň we beýlekitürki dilli azlyklaryň Hytaýyň Sinjiaňdaky gaýtadan terbiýeleýiş lagerlerinde saklanylýandygy hakyndaky hasabatynda aýdylýan zatlaryň üstüni ýetirýär.
Pekin bu aýdylýanlary ret edýär we “hünärler boýunça bilim merkezleriniň” adamlaryň terrorçylykdan çetleşmegine we jemgyýete gaýtadan goşulmagyna ýardam berýändigini öňe sürýär.
Hytaýda 15 million çemesi hasaplanylýan uýgur azlygy Pekin häkimiýetleriniň özlerine çemeleşmesinden uzak wagt bäri şikaýat edýär.
ABŞ-nyň iki partiýadan bolan senatorlar topary ýanwaryň ýagynda, goldaw görkezmek üçin, uýgur asylly hytaý alymy, tussaglykda saklanylýan Ylham Tohtini Nobel parahatçylyk baýragyna hödürledi.