ABŞ-da ozalky gyrgyz ilçisiniň ogly ýarag gaçakçylygynda aýyplanýar
2005-2010-njy ýyllar aralygynda Gyrgyzystanyň ABŞ-daky ilçisi bolan Zamira Sydykowa öz ogly Tengiz Sydykowa aýyplamalaryň ýalňyşlyk bilen bildirilendigini öňe sürdi.
Waşingtonda ýaşaýan 28 ýaşly Tengize we 27 ýaşly Eldar Rezwanowa Russiýanyň Çeçenistan respublikasyna ýarag geçirmek synanyşygy boýunça aýyplamalar bildirilýär.
Gyrgyzystanyň raýatlary hökmünde tanyşdyrylan bu şahsyýetler 100-den gowrak ýaragy hiç hili lisenziýasyz Çeçenistana geçirjek bolupdyrlar.
Gyrgyzystanyň Daşary işler ministrligi güman edilýänleriň şahsyýetini seljerýändigini mälim etdi.
Eger-de tussag edilenleriň günäsi subut edilse, olara 20 ýyla çenli türme tussaglygy berlip bilner.