Новости за 16.11.2020

Дар Тоҷикистон сомонаи нави таҳлилӣ бо нишони nuqta.tj ба кор шуруъ кард. Хабарнигорони Радиои Озодӣ ба суҳбати Набӣ Юсупов, муассиси ин сомона рафтанд.

Дар Тоҷикистон вебсайти нави иттилоотӣ-таҳлилӣ бо номи nuqta.tj ба кор шуруъ  кард. Ҳадаф аз таъсиси сомона ба гуфтаи муассисонаш, нашри матлабҳои таҳлилӣ ва омода кардани таҳлилгарон аст.

Надежда Николаева, сокини бознишастаи Душанбе 300 сомонӣ ҳаққи нафақа мегирад. Вай дар суҳбат бо Радиои Озодӣ гуфт, муддатҳост, ки тамъи гӯштро начашидааст ва ҳоло хариди картошкаву шалғам ҳам барояш душвор шудааст:

Шӯрои шаҳри амрикоии Болдуэр мехоҳад чойхонаи тоҷикии худро мавриди ҳифозаи вижа қарор диҳад. Агар дар овоздиҳие, ки дар ин шӯро рӯзи сешанбе барпо мешавад, қарори мусбат қабул шавад, бинои муассисаи бо номи “Boulder-Dushanbe Teahouse” (“Чойхонаи Болдуэр-Душанбе”) ба ҳайси муассисае, ки девору ороишоташ арзиши баланди фарҳангӣ, меъморӣ ва таърихӣ дорад, таҳти ҳимоят гирифта мешавад. Вебсайти амрикоии www.dailycamera.com мегӯяд, барои таҳти ҳифозати фарҳангӣ қарор додани чойхона аъзои ҷамъияти дӯстони... Читать дальше...

Пандемияи Ковид -19 аҳволи беморони дилу диабети қанд ва фишорбаландиро ногувор кардааст. Дар бештари ҳолат ҷисми гирифторони ин бемориҳо барои муқовимат ба коронавирус заиф аст.

Дар Тоҷикистон қимати маҳсулоти хӯрока якбора боло рафта ва мояи нигарониву изтироби мардум бахусус қишрҳои камбизоат шудааст.

Сафири тоҷик дар бораи фурӯши озоди билети бозгашт ба Тоҷикистон ва муҳокимаи куштори Ҳувайдои панҷсола тавзеҳот дод.

Рӯзноманигор Ёрмурод Бапӣ, ки дар "ширкат дар чорабинии ғайриқонунӣ" дар эътирози рӯзи шанбе дар шаҳри Алматои Қазоқистон айбдор мешуд, гуфт, парвандаи ҷиноӣ нисбати вай қатъ шудааст. Ба Бапӣ қарор ва ё ҳукмеро дар бораи қатъи парванда нишон надодаанд. Ёрмурод Бапӣ, муҳаррири рӯзномаи "Мавқеи ҷамъиятӣ" субҳи рӯзи шанбе дар маркази шаҳри Алмато боздошт ва ба идораи пулис бурда шуд. Баъди чанд соат ӯро раҳо ва гуфтанд, ки рӯзи душанбе ба додгоҳ ҳозир шавад. Иддае аз сокинони шаҳри Алмато рӯзи... Читать дальше...

Дидбони Ҳуқуқи Башар, як созмони муътабари ҳомии ҳуқуқи инсон аз Иттиҳоди Аврупо даъват кард, ба кишварҳои Осиёи Марказӣ бигӯяд, кӯмаҳои бештар ба минтақа дар ивази ислоҳоти воқеии ҳуқуқи инсон вобаста хоҳанд буд.

Интерфакс хабар дод, ки дар кӯчаҳои минтақаи сибирии  Иркутски Русия ба роҳҳое, ки ях зада буданд,  хоки омехта бо устухону дигар бозмондаҳои инсонро рехтаанд. Дар шабакаҳои иҷтимоӣ рӯзи 15-уми ноябр аксҳое нашр шуд, ки дар он дида мешавад, ки дар кӯчаҳои шаҳри Киренск рӯи замин хоки омехта бо пораҳои устухон ва ҳатто сари инсон   пошида шудааст. Ин аксҳо ҳамон замон мавриди интиқоди корбарони шабакаҳо гардид. Полиси Иркутск ба Интерфакс тасдиқ кард, ки воқеан ҳам ин устухонҳои инсон буд ва бар асоси ин қазия парвандаи ҷиноӣ  боз шудааст. Читать дальше...

Нахуствазири Арманистон Никол Пашинян, ки як назарашро мухолифон ҳамчун даъват ба низои шаҳрвандӣ арзёбӣ карданд, таҳти интиқод қарор гирифт ва гуфт, ки ӯ ба ҳеҷ сурат ба   ҷанги шаҳрвандӣ даъват накардааст.  Эълони имзои созиш бо Озарбойҷон дар масълаи Қаробоғи Кӯҳӣ, ки 10-уми ноябр рух дод, боиси эътирозу норизоиятҳои шадид дар ҷомеаи Арманистон шуд. Созиш баъди ҷанги шашҳафтаинаи ахир бо миёнҷигии Русия имзо шуд. Ҳабдаҳ ҳизби сиёсии Арманистон аз Пашинян тақозо доранд, ки ба истеъфо равад ва ӯро... Читать дальше...

Ҳизбҳои оппозитсионии кишвари балкании Босния  дар ду шаҳри азим пирӯз шуда миллатгароҳои собиқадор дар қудратро мағлуб карданд.  Дар пойтахти Боснияву Ҳерсоговина шаҳри Сараево ҳизби Амали демократии Босния, ки раҳбараш Боқир Изетбегович аст, мағлубияташро эътироф кард, чун аз чор шаҳрдорӣ дар сетоаш мағлуб шуд. Дар Банйя Лука, маркази маъмурии Ҷумҳури Српска ҳизби оппозитсионии Пешрафти демократӣ мақоми шаҳрдорро бурд. Дар гузашта ин мақомро намояндаи ҳизби  Эътилофи мустақили сотсиал-демократҳои ба раҳбарии сербҳо дар даст дошт. Читать дальше...

Доналд Трамп, раиси ҷумҳури Амрико эълон кард, ки ваксина ба зидди коронавирус то моҳи апрели дастраси омма мешавад. Ӯ дар ҳоле аз дастраси омма шудани ваксина дар моҳҳои оянда хабар дод, ки ин вирус бо суръат дар Амрико доман паҳн мекунад ва афзудани теъдоди беморони бистарӣ баъзе иёлатҳоро маҷбур кард, маҳдудиятҳову меъёрҳои беҳдошти сахттар кунанд. Доналд Трамп дар ин бора рӯзи 13-уми ноябр доир ба кори ситоди ҳукуматии мубориза бо СОVID-19 суҳбат кард ва дар бораи талошҳои ҳукуматаш барои офаридани ваксина ва муолиҷаи беморӣ гуфт. Читать дальше...

Рӯйхати филмҳои узбекистоние нашр шуд, ки даъвои ҷоизаи Академияи санъати синамо ва илми амрикоӣ - "Оскар"-ро доранд. Бино ба ин рӯйхат филми "Ибрат"-и Ҷаҳонгир Қосимов, "Хобҳои беранг"-и Аюб Шаҳобиддинов ва "Ду ҳазор суруди Фарида"-и коргардон Ёлкин Туйчиев ба бахши "Беҳтарин филми бадеии байналмилалӣ"-и ҷоизаи "Оскар" пешниҳод шудаанд. Интихоби филмҳо барои ҷоиза 25 апрели соли 2021 дар Лос-Анҷелеси ИМА баргузор мешавад. Соли 2019 бо ташаббуси Иттифоқи ҷавонони Узбекистон, Комисияи миллии... Читать дальше...

Шаҳрвандони Босния рӯзи 15-уми ноябр  дар шароите ба интихобот рафтанд, ки овоздиҳӣ бо сабаби бӯҳрони буҷаи кишвар бо таъхир баргузор гардид ва дар ҷомеа нигарониҳо аз афзоиши ҳодисаҳои олудагӣ ба коронавирус боло мегирад. 3,3 миллион шаҳрванди қобили раъй рӯзи якшанбе бояд  раисони шаҳру вилоятҳо, аз ҷумла, ду минтақаи мухтори Федератсияи Босниву Хорватӣ ва Ҷумҳурии Српскаро интихоб мекарданд. То соати 4-и шом тахминан 39 дарсади раъйдиҳандагон овоз доданд. Дар ҳафтаҳои ахир дар Босния шумори олудашудаҳои нав ба коронавирус афзоиш ёфт. Читать дальше...

Волии ду аёлат дар Амрико рӯзи 15-уми ноябр аз афзоиши ҳодисаҳои олудашавӣ ба коронавирус бонги изтироб зада, яке аз наздикони оилаи президенти мунтахаб Ҷо Байден ҳушдор дод, ки кишвар «дар як марҳилаи бисёр хатарнок» қарор дорад. Ду волӣ –  Глетчен Витмер аз Мичиган ва Ҷей Инсли аз Вашингтон маҳдудиятҳои наве ҷорӣ карданд, ки ба мактабу тарабхонаҳо ва шумори мардуми ҷамъшаванда рабт мегирад. Изҳороти ин ду мақомдор дар ҳоле садо дод, ки дар як ҳафтаи ахир дар ИМА шумори тоза олудашудаҳо ба коронавирус 1 миллион нафарро ташкил дода... Читать дальше...

Рӯзи 16-уми ноябр бо ибтикори Оҷонсии рушди ИМА (USAID) Форуми панҷрӯзаи тиҷоратии Осиёи Марказӣ ба кор шурӯъ кард, ки ҳадафаш рушду тавсеаи тиҷорату соҳибкорӣ дар минтақа мебошад.  Дар ҳамоише, ки ба таври онлайнӣ ташкил шудааст, сад нафар суханронӣ карда, чор ҳазор нафар аз 39 кишвар, аз ҷумла Тоҷикистон, кишварҳои Осиёи Марказӣ, ИМА, Олмон, Бритониё ва дигар давлатҳо иштирок мекунанд.  Мавзӯи имсолаи конфронс “Рушд ва шукуфоӣ” аст, ки  вокуниши бозори ОМ ба таҳаввулоти марбут ба COVID-19-ро мавриди баррасӣ қарор медиҳад. Читать дальше...

Кӯмаки башарии Узбекистон ба шаҳри Бишкеки Қирғизистон расид. Дар ин бора аз маркази матбуотии ҳукумати Қирғизистон хабар доданд. Гуфта мешавад, ин кӯмаки башарӣ дар пайи созиши президентҳои ду кишвар ирсол шудааст. Кӯмаки башарӣ аз дору, дастгоҳҳои ташхиси коронавирус, либосҳои муҳофизатӣ, ниқоб ва сӯзандорӯ иборат аст. "Ин нахустин кӯмаки башарӣ нест, ки Узбекистон ба Қирғизистон мефиристад. Кӯмаки Узбекистон бисёр саривақтӣ аст", - гуфт Элвира Сурабалдиева, ноиб-сарвазири Қирғизистон. Ахиран... Читать дальше...

Майя Санду, собиқ иқтисоддони Бонки ҷаҳонӣ, ки тарафдори ҳамкориҳои наздиктар бо Иттиҳоди Аврупо аст, бар пояи натиҷаҳои пешакӣ, пешсафи интихоботи президентии рӯзи 15-уми ноябр дар Молдова эълон шуд. Ба тарафдории Санду 57 дарсади мардум овоз доданд ва рақиби ӯ, президенти амалкунанда Игор Додон, ки бо сиёсатҳои рӯ ба Русияаш маъруф аст, бо 43 дарсади овозҳо мағлуб шуд. Комиссияи марказии интихоботи Молдова пас аз шумориши 99 дарсади раъйи мардум ин натиҷаҳоро эълон кард. Тарафдорони Санду пирӯзии... Читать дальше...

Полиси Беларус дар ҷараёни намоишҳои эътирозии рӯзи 15-уми ноябр, ки бо талаби истеъфои Александр Лукашенко ва даъвати интихоботи нав барпо шуд, дар саросари ин кишвар беш аз 1200 нафарро боздошт кард. Дар шаҳри Минск, ки ба гуфтаи маркази ҳуқуқи башари “Весна” қисми асосии боздоштҳо он ҷо сурат гирифтааст, полис ба хотири пароканда кардани эътирозгарон аз гази ашковар ва норинҷакҳо истифода кард. Ду нафар дар дохили як фурӯшгоҳ аз ҷониби амниятиҳои ниқобпӯш латукӯб шуданд. Анҷумани журналистони Беларус гуфт... Читать дальше...

Раҷаб Эрдуғон, президенти Туркия рӯзи якшанбе ба давлати худхондаи Қибрис (Кипр)-и Шимолӣ рафт ва дар як суханрониаш гуфт, ки аз ҷомеаи ҷаҳонӣ мехоҳад, расман Қибрисро ду давлати алоҳида эътироф кунад. "Дар Қибрис ду миллат зиндагӣ мекунад ва ду давлати алоҳида вуҷуд дорад. Бояд гуфтугӯҳоеро ба роҳ монд, ки дар натиҷа ду давлати алоҳида ба вуҷуд ояд", - афзуд Эрдуғон. Давлати туркии Қибриси Шимолӣ соли 1983 даъвои истиқлол кард. Пештар аз он артиши Туркия Қибриси Шимолиро - бо ҳадафи ғасб нашудан аз сӯи Қибриси Юнон - ишғол кард. Читать дальше...

Баррасии парвандаи додгоҳии қатли духтари 5-солаи тоҷик Ҳувайдо Тиллозода рӯзи 20-уми ноябр дубора аз сар гирифта мешавад. Қатли ин ноболиғи тоҷик ҳудуди дувуним сол қабл дар яке аз шаҳрҳои атрофи Маскав рух дод ва сару садоҳои зиёдеро ба миён овард. Абдусалом Саидов, падари Ҳувайдо Тиллозода рӯзи 16-уми ноябр дар сӯҳбат бо Радиои Озодӣ гуфт, ки Додгоҳи вилояти Маскав хонаводаи онҳоро дар мавриди азсаргирии мурофиаи додгоҳӣ огоҳ кардааст. "Натиҷаи муолиҷаи Александр Сёмин хуб баромадааст ва мо... Читать дальше...

Мусобиқаи Қаҳрамонии ҷудои Тоҷикистон дар соли 2020 беҳтаринҳои ин намуди варзишро аз рӯи ҳафт вазн маълум кард

Мусобиқаи қаҳрамонии Тоҷикистон оид ба ҷудо рӯзҳои 13-15-уми ноябр дар шаҳри Душанбе, дар Қасри теннис ва маҷмааи варзишҳои обӣ, баргузор шуд. Дар ин мусобиқа варзишгарон аз шаҳри Душанбе, вилоятҳои Суғду Хатлон, вилояти Мухтори Кӯҳистони Бадахшон, шаҳру навоҳии тобеи марказ (ШНТМ) ва минтақаи Рашт иштирок карданд. Қаҳрамонҳои нави ҷудои Тоҷикистон аз рӯи ҳафт вазн миёни мардон ва ду вазн миёни занон муайян шуданд. Бештари медалҳоро варзишгарони дастаи Душанбе ба даст оварданд – 27 (8 тилло... Читать дальше...

Боку розӣ шуд, барои берун рафтани артиш ва аҳолии осоиштаи арманӣ аз ноҳияи Калбаҷари Қарабоғи Куҳӣ то 25 ноябр муҳлат диҳад. Дар ин бора ёвари президенти Озарбойҷон Ҳикмат Ҳоҷиев хабар дод. Ба гуфтаи вай, ҷониби Арманистон тавассути Русия аз Озарбойҷон дархости муҳлат карданд ва ҷониби Озарбойҷон ҳам бо назардошти вазъ муҳлат додааст. Бино ба шартҳои созишномаи қатъи ҷанг дар Қарабоғи Куҳӣ, ки аз сӯи роҳбарони Русия, Озарбойҷон ва Арманистон имзо шуд, артиши Арманистон вазифадор шуда буд, ки то 15 ноябр ноҳияи Калбаҷарро тарк кунад. Читать дальше...