د افغانستان په ځینو سیمو کې د اوبو کچې لوړېدو، سېلابونو او بارانونو اټکل شوی
دغه وزارت پرون دوشنبې په یوه خبرپاڼه کې ویلي، احتمال شته چې د عقرب په اتمه او نهمه به د کونړ، لغمان، ننګرهار، پنجشېر، غوربند، کابل او بدخشان د سیندونو د اوبو سطحه لوړه شي.
د روانې اوونۍ د شنبې په ورځ د عقرب پنځمه د بدخشان ولایت په مرکز فبض اباد کې سیل د یوه ۱۳ کلن ماشوم ژوند واخیست.
د تېرې سنبلې میاشتې په وروستیو کې په ننګرهار کې د سېلابونو له کبله لږترلږه ۳ تنه مړه او ۲۰ نور ژوبل شول.
سېلابونو د ننګرهار ولایت اوسېدونکو ته مالي تاوانونه هم واړول.