Новости за 13.10.2024

دا اونۍ مو په مشال مرکه کې څېړونکی تیمور خان مېلمه کړی دی. هغه له تېرو اتو کلونو راهیسې په اسلام اباد کې د ستراتیژیکي مطالعاتو په مرکز کې د څېړونکي دنده ترسره کوي. تیمور خان د روسیې او اروپايي هېوادونو پر چارو زیاتې څېړنې او لیکنې کړې دي. هغه وايي چې په اسلام اباد کې د شانګهای همکارۍ سازمان غونډه، چې د اکتوبر په نیمايي کې کېدونکې ده، خورا ارزښت لري. دی وايي، دا د پاکستان لپاره ښه موقع ده چې د هغه سازمان له غړو هېوادونو سره اقتصادي اړیکې لا پراخه کړي. تیمور خان هغې دوه ورځنۍ ناستې ته د هندي پلاوي... Читать дальше...

د خیبر په رېګي للمه کې د پښتون ژغورنې غورځنګ په کوربه‌توب د "پښتنو قامي عدالت" په نوم لویې جرګې ته د پاکستان له پښتون مېشته سیمو څخه ګڼې ښځې او فعالانې هم ورغلي دي. فعالانې وايي چې دا خورا مثبته خبره ده چې ښځې هم په دې جرګه کې ونډه لري او د خپلې راتلونکې په اړه پرېکړه کوي. نور په وېډیو کې:

سږ کال د سولې نوبېل جایزه د جاپان د نیهان هیډانکیو په نوم د خیر ښېګړې هغه تنظیم ګټلې ده چې بنسټګر یې د دویمې نړیوالې جګړې د اټومي بمونو حملو عیني شاهدان دي. امریکا هغه بمونه د جګړې د ګټلو لپاره د جاپان پر ناګاساکي او هېروشیما ښارونو غورځولي ول چې پراخه تباهي یې کړې وه. له بمونو د خوندي پاتې شویو خلکو تنظیم په نړۍ کې د اټومي وسلو د نه استعمال لپاره هلې ځلې کوي او پر هېوادونو فشار راوړي چې د پراخې ویجاړۍ وسلې دې نه جوړوي. دوی وايي، نوبېل جایزه به یې وهڅوي چې د جنګونو پر وړاندې خپله مبارزه لا زیاته کړي. Читать дальше...

علي بلال د نارینه وو فزیک برخه کې د سپینو زرو مډال په ګټلو بریالی شو. بلال له کلونو راهیسې اروپا کې اوسیږي او یواځینی افغان لوبغاړی دی چې د نړۍ د اندام د ښکلا په تر ټولو معتبره سیالیو کې برخه اخلي. صفي الله ستانکزي پرې لنډ راپور جوړ کړی

د خیبر ضلعې د جمرود په رېګلي للمه کې د "پښتنو قامي عدالت" په نوم په روانه جرګه کې نه یوازې د پښتنو پر ستونزو او د هغو پر حللارو بحثونه روان دي بلکې هلته لنډمهالي کاروباري هلې ځلې هم زیاتې شوې دي. د جرګې ځای ته پر لاره او هلته په میدان کې د خوړو تر څنګ د کتابونو سټالونه هم لګېدلي دي. لیکوال علي ارقم هم هلته ورغلی وو او له مشال راډیو سره یې د سترګو لیدلی حال شریک کړ.

په داسې حال کې چې په لسګونو خیمو کې د پاکستان د پښتون مېشته سیمو استازو پر مختلفو موضوعاتو بحثونو او مشورو ته دوام ورکړی دی، د بېلابېلو ګوندونو مخکښ سیاستوالان د اکتوبر پر ۱۳مه د لویې جرګې پر درېیمه او وروستۍ ورځ د جرګې مرکزي تالار ته ورغلي او هلته یې ناستو کسانو ته ویناګانې کړې دي. په دې اړه ویډیويي راپور.

طالبانو د ۲۰۲۱ز کال په اګست کې پر افغانستان له واکمنېدو راهیسې پر موسیقۍ بندیزونه لګولي دي. هغوی تر دې وروسته په مختلفو سیمو کې د موسیقۍ تر ۲۰،۰۰۰ زیات الات سوځولي دي. د طالبانو د واکمنۍ له پیل راهیسې ګڼو هنرمندانو افغانستان پرېښودو او په نورو هېوادونو کې یې پناه واخیسته.

د پاکستان د بهرنیو چارو وزارت بیان زیاتوي چې چینايي وزیراعظم به د اکتوبر له ۱۴مې څخه تر ۱۷مې پورې د سفر پر مهال د شانګهای همکارۍ سازمان په غونډه کې د ګډون ترڅنګ له ولسمشر اصف علي زرداري، پارلېماني مشرانو او پوځي مشرتابه سره هم وګوري.

په خیبر کې د پښتنو قامي عدالت جرګې پرانیسته د پښتون ژغورنې غورځنګ مشر منظور پښتين وکړه. د جرګې منتظمینو په پیل کې په زرګونو ګډونوالو ته يو مستند فلم وښود او منظور پښتين د ترهګرۍ ضد په نوم جګړې پر مهال پښتنو ته د رسېدلو زیانونو او د ورکو کسانو د مجموعي شمېر په اړه معلومات وړاندې کړل. نور په وېډیو کې:

د خیبر ضلعې د جمرود په رېګي للمه کې د پښتون ژغورنې غورځنګ (پي ټي اېم) په کوربه توب د "پښتنو قامي عدالت" په نوم لویې جرګې ته د پاکستان له پښتون مېشته سیمو څخه ګڼې ښځې او فعالانې هم ورغلې دي. فعالانې وايي چې دا خورا مثبته خبره ده چې ښځې هم په هغه درې ورځنۍ جرګه کې ونډه لري او د خپلې راتلونکې په اړه پرېکړه کوي. موږ د جرګې له یوشمېر ګډونوالو سره د خبرو پر اساس دا ویډیو جوړه کړې ده.

د امریکا په فلورېډا ایالت کې د سمندري توپان له امله زرګونه کورونه ویجاړ شوې دي. په فلورېډا کې په وروستیو ورځو کې دا دويم سمندري توپان دی چې خلک یې له ګڼو ځاني او مالي تاوانونو سره مخامخ کړي دي. په دې اړه د رویټرز اژانس له ویډیوګانو جوړ راپور.

په خیبر ضلع کې د "پښتنو قامي عدالت" په نامه جرګه د اکتوبر پر ۱۲مه رسماً پیل شوه چې پرانیسته يې د پښتون ژغورنې غورځنګ (پي ټي اېم) مشر منظور پشتين وکړه. د جرګې منتظمینو په پیل کې په زرګونو ګډونوالو ته يو مستند فلم وښود او منظور پشتين د ترهګرۍ ضد په نوم جګړې پر مهال پښتنو ته د رسېدلو زیانونو او د ورکو کسانو د مجموعي شمېر په اړه معلومات وړاندې کړل. پي ټی اېم وايي هغه مستند یې په ځانګړې توګه د جرګې لپاره کړې ده. د اکتوبر ۱۳مه د جرګې وروستۍ ورځ ده او د منتظمينو په وینا، پکې به د استازو پر سپارښتنو تر بحثونو... Читать дальше...