د نوبل د سولې سږنۍ جایزه ایرانۍ فعالې 'نرګس محمدي' ته ورکړل شوه
محمدي دا مهال په ایران کې بندي ده.
په ناروې د نوبل کمېټې ویلي، د ۲۰۲۳م کال د سولې جایزه هغه سلګونو زره کسان هم په رسمیت پېژني چې د ایران د مستبد رژیم د پولیسو د هغه تبعیض او جبر په وړاندې مبارزه کوي چې ښځې په نښه کوي.
د بشري حقونو افغانه فعاله محبوبه سراج هم د دې جایزې د کاندیدانو په ډله کې شامله وه.
د ایران د ښځو د حقونو فعاله نرګس محمدي ته دغه جایزه په ایران کې د ښځو حقونو د دفاع لپاره ورکړل شوې ده.