یوناما: د کاج مرکز د قربانیانو د کورنیو تر څنګ ولاړ یوو
یوناما تېره شپه په خپله اېکس شبکه کې لیکلي، تېر کال پر دغه مرکز په حمله کې ۵۴ کسان مړه او ۱۱۴ نور ټپیان شوي وو، چې ډېری یې هزاره ښځې او نجونې وې.
تېر کال د تلې/ میزان پر اتمه (د سپټمبر پر ۳۰مه) په داسې حال کې، چې په کاج ښوونیز مرکز کې د کانکور ازمېښتي ازموینه روانه وه، انتحاري حمله وشوه.
د دې پېښې د قربانیانو د کورنیو غړو ویلي، طالبانو تر اوسه د هغې پېښې په اړه د شویو څېړنو نتیجې له دوی سره نه دي شریکې کړي.
د داعش ډلې د کاج پر ښوونیز مرکز د برید په اړه څه نه دي ویلي، خو د طالبانو حکومت ادعا کړې، چې دا برید د داعش کار دی.