د الحبتور ګروپ رییس: یو شمېر افغان محصلانې متحده عربي اماراتو ته را ورسېدې
الجتور پر ټویټر یا ایکس شبکه تېر ماښام ولیکل: دا هغه محصلانې دي، چې ده ورته د دوبۍ د پوهنتون په همکارۍ د زده کړو سکالرشیپ یا بورسونه برابر کړي دي.
د متحده عربي اماراتو دا سوداګر وايي، دغو افغان محصلانو ته یې هرکلی ووایه او هیله یې څرګنده کړه، چې ژر نورې افغان محصلانې هم په دوبۍ کې وویني.
الجتور د چهارشنبې په ورځ ویلي وو، چې طالبانو متحده عربي اماراتو ته د لسګونو افغان نجونو محصلانو د سفر مخه نیولې او دی په دې کار خواشینی دی.
طالبانو تراوسه پورې په دې اړه څه نه دي ویلي.