د اوکراین لومړۍ کښتۍ د ترکیې د موقت بشري دهلېز له لارې بوسبوروس تنګي ته ورسېده
دا کښتۍ، چې د هانګ کانګ بیرغ پرې لګېدلی و، تېره چهارشنبه يې په توره بحیره کې د اوکرایین له تړل شوي اودیسه بندر څخه حرکت کړی و.
دغه کښتۍ له ۱۸ میاشتو راهیسې له کله چې روسیې پر اوکراین یرغل کړی و، د اودیسه په بندر کې بنده پاتې و.
کیف دا بشري دهلیز وروسته له هغې پرانیسته، چې روسيه تیره میاشت د اوکراین له بندرونو څخه د غلو دانو د صادراتو توافق ته، را ونه ګرځیده.
دا توافق د ملګرو ملتونو او ترکیې په ځانګړېتوب رامنځته شوی و.
اوکرایین ویلي، له دې دهلیز څخه به لومړی د هغو کښتو د تخلیه لپاره کار واخلي چې په بندرونو کې بندې پاتي وې.
په همدې حال کې، د دې دهلیز د نه خوندیتوب په اړه هم اندیښنې شته، ځکه روسیه په دې شکمنه ده چې اوکرایین په دې کښتو کې خپلو سرتیرو ته وسلې انتقالوي.
د روسیې پوځ د یکشنبې په ورځ یوه ترکې کښته درولی او پلټې يې ده. دا کښتۍ د اوکراین د انوب بندر په لور په حرکت کې وه.
ترکیه له دې پيښې څو ورځې وروسته د پنجشنبې په ورځ په دې اړه خبرې وکړي او مسکو ته يې خبرداری ورکړ.
د ترکیې د ولسمشرۍ دفتر ویلي، د مسکو لورې ته مو خبرداری ورکړ چې له ورته هڅه چې په توره بحیره کې د دواړو لورو ترمنځ د شخړې سبب کیږي لاس واخلي.