د ښځینه فوټبال نړیوال جام ګروپي پړاو بشپړ شو
د ګروپي پړاو په ترڅ کې نن وروستۍ دوه سیالۍ ترسره شوې چې مراکش یو د صفر پر وړاندې کولمبیا ته ماتې ورکړه.
دغه راز په دویمې سیالۍ کې بیا سویلي کوریا او جرمني خپله سیالي یو د یو پر وړاندې مساوي کړه.
سبا د جولای په ۴مه نېټه هېڅ سیالي نهشته او د همدې میاشتې په ۵مه نېټه د ۱۶ غوره لوبډلو پړاو د سویس او هسپانیې په لوبې سره پیلېږي.
د ۱۶ غوره لوبډلو پړاو ته د هسپانیې، سویس، کولمبیا، مراکش، ناروې، اسټرالیا، نایجریا، جاپان، انګلستان، ډنمارک، نیدرلینډ، امریکا، فرانسه، جمیکا، سویډن او سویلي افریقا لار موندلې ده.
د دې نړیوال جام په ترڅ کې ایټالیا، جرمني، ارجنټاین، برازیل او پرتګال هغه پیاوړې لوبډلې وې چې د ټورنمنټ له پیله د غوره لوبډلو په توګه یادې، خو په ګروپي مرحله کې له مخکې تګ پاتې شول.
باید وویل شي چې یادې سیالۍ په اسټرالیا او نیوزیلینډ کې روانې دي.