په باجوړ کې د ځانوژونکي برید له کبله د وژل شویو کسانو شمېر۵۴ ته رسېدلی
د خیبرپښتونخوا ایالت له تروریزم سره د مبارزې د پولیسو جګپوړي چارواکي شوکت عباس وویل چې د مولانا فضل الرحمان په مشرۍ د جمعیت علما اسلام ګوند پر یوې غونډې د شوي برید د قربانیانو شمېر ښایي زیات شي.
په دې پېښه کې شاوخوا دوه سوه کسان ټپیان شوي چې د یو شمېر ټپیانو روغتیایي وضعیت نازک ښودل شوی.
د دغه برید مسوولیت د اسلامي دولت ډلې یا داعش د خراسان څانګې اخیستی.