د طالبانو ځینو مخالفانو د جمهوريت د ملي جبهې په نوم د سازمان اعلان وکړ
د دې جبهې د مشرتابه شورا یوه غړي چې نه یې غوښتل د امنیتي دلایلو له امله خپل نوم واخلي، نن ازادي راډیو ته وویل چې دوی د خلکو د حقونو په اساس د نوي جمهوري نظام د را ژوندي کولو او د ټولیزو ګټو د ساتنې هڅې کوي.
د اعلامیې له مخې، دغه جبهه د افغانستان له یو شمېر ګوندونو، ډلو، سیاسي او ټولنیزو سازمانونو او مخورو اشخاصو جوړه ده چې ښځې هم په کې شاملې دي.
دا نوې جبهه وايي چې د اړتیا په وخت کې به پوځي څانګه هم ولري.
په دې اړه نور جزئیات په لاس کې نه شته چې دا سیاسي حرکت له کومو ګوندونو او اشخاصو جوړ دی.
طالبانو تراوسه په دې اړه غبرګون نه دی ښودلی.