د بشري حقونو د څار سازمان: قزاقي چارواکي دې د شکنجو په اړه څېړنه وکړي
هیومن رایټس واچ نن سې شنبې په یوه بیان کې وویل، ډېر باوري راپورونه یې ترلاسه کړي چې پولیسو په لسګونو سوله ییز مظاهره کوونکي او نور په خپل سر توقیف کړي دي.
له ځینو نیول شوېو کسانو سره ناوړه چلند شوی او د ډنډو او برقي ټکانونو په ګډون شکنجه شوي دي.
قزاقي چارواکو ویلي، په هېواد کې د وروستیو ناکراریو په ترڅ کې یې د قانون د تنفیذ ځواکونو د ۱۹ غړیو په ګډون ۲۲۷ کسان نیولي دي.
دغه ناکراري د قزاقستان په لویدیځه سیمه منګیسټاو کې د جنوري په دوهمه نېټه د تیلو د بیو پر سر په سوله ییزو لاریون سره چې وروسته د دې هېواد نورو ښارونو ته وغځېدل، پیل شوې.