دا اوونۍ مو په مشال مرکه کې د پېښور پوهنتون د سياسياتو څانګې مشر ډاکټر زاهد انور مېلمه کړی دی. نوموړي له بېلابېلو هېوادونو څخه زده کړې کړې دي. ډاکتر انور وايي، د فبرورۍ اتمې انتخاباتو په پاکستان کې سیاسي ثبات ته لاره هواره کړې ده چې دا د جمهوري نظام خوندیتوب لپاره مهم دي. دی وايي، وفاقي او صوبايي حکومتونه باید یو بل وزغمي او په ګډه کار وکړي. ډاکتر انور وايي، په قبایلي ضلعو کې سیاسي شعور زیات شوی دی. بشپړه مرکه واورئ.
د شمالي وزیرستان پولیسو دعوه کړې ده چې ولس ورسره د هدفي وژنو په پلټنو کې همکاري نه کوي. د سیمې یو پولیس افسر علي خان مشال راډیو ته وویل چې پولیس د هرې پېښې پلټنې د مدعیانو او عیني شاهدانو د بیانونو او شواهدو پر اساس کوي، خو ولس ورسره پوره مرسته نه کوي. دا په داسې حال کې ده چې له ۲۰۱۸ز کال راهیسې په شمالي وزیرستان کې په هدفي بریدونو کې لسګونه حکومتي چارواکي، سرتېري، ولسي مشران، فعالان، دیني عالمان او سیاستوالان وژل شوي دي او خلکو په بیا بیا د امنیت لپاره احتجاجونه هم کړي دي. په دې اړتفصیل په رپورټ کې.
د خوست د صبریو ولسوالۍ اوسېدونکو د څپري سیمې پر غرونو او غونډیو د بوټو کښېنول پیل کړي دي. د ملګرو ملتونو د خوړو او کرنې سازمان د سیمې خلکو ته د مېوه لرونکو او زینتي ونو شاوخوا ۴۰،۰۰۰ نیالګي ورکړي دي. د سیمې اوسېدونکي وايي د نیالګیو ساتلو او پاللو لپاره یې پوره تدابیر نیولي دي. ویډيويي رپورټ.
په غونډه کې د پاکستان تلونکی ولسمشر ډاکتر محمد عارف علوي، وزیراعظم شهباز شریف، د پوځ، بحري او هوايي ځواکونو مشران، پخواني وزیراعظمان میا نواز شریف، یوسف رضا ګېلاني، د پیپلز پارټۍ مشر بلاول بوټو زرداري او د هغه ګوند او مسلم لیګ (ن) مخکښه مشران او د پارلېمان غړي موجود ول.
د اسټرالیا په مېلبرن ښار کې یوه رستوران او چایخانې کډوالو ښځو ته د کار زمینه برابره کړې ده. چایخانې ته تلونکي کسان وايي چې هلته د بېلابېلو ځایونو کلتوري خواړه خوري. اسټرالیا ته کډوالې شوې ښځې په هغه رستوران کې خلکو ته کورني خواړه ورکوي. د اسوشيېټېډ پرېس اژانس له ویډیو جوړ رپورټ.
ازادي راډیو د مارچ د اتمې( د ښځو نړیوالې ورځې) په مناسبت، له ۸ ښځینه شاعرانو غوښتي څو خپل هغه شعرونه، په خپل غږ ولولي چې له تېرو دوو کلونوراهیسې یې پنځولي. دا لړۍ، به د روانې اوونۍ په ترڅ کې، یو بل پسې د ازادي راډیو پر ټولنیزو پاڼو او وېب پاڼې خپروو. دا هم د سپېره په نوم د ځولۍ لمن شعر
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.