Новости за 18.05.2022

نن د مې اتلسمه د موزیم نړیواله ورځ ده، د طالبانو حکومت ژمنه کوي، چې د افغانستان د موزیمونو ساتنه او خوندیتوب یې په لومړیتوبونو کې راځي. خو خلک وايي، د موزیمونو او د لرغونو اثارو د ساتنې په برخه کې د طالبانو پر ژمنو شک لري. عزیز احمد عزیز څو کاله په کندهار کې د تاریخي اثارو د ساتنې مدیر و، چې وايي اوس مهال په افغانستان کې د موزیمونو او لرغونو اثارو برخلیک ته اندېښمن دی. ښاغلی عزیز وايي ګڼ مسلکي کسان چې وړاندې یې په دې برخه کې کارونه کول، لیرې کړای شوي دي. نوموړی وايي: "ځیني مسلکي کسان چې پر دندو وو، له دندو لیرې کړای سوي دي. Читать дальше...

ملګرو ملتو له ایرانه وغوښتل چې د ایراني الاصله سویډني ډاکټر او اکاډیمیک احمد رضا جلالي له اعدامه لاس واخلي. د ملګرو ملتو د بشري حقونو د عالي کمشنرۍ ویاندې لی تروسیل په یوه بیان کې چې پرون یې خپور کړ وویل، چارواکي دې په تهران کې د اعدام دا سزا سمدستي لغوه کړي. جلالي د طب ډاکټر او د ستاکوهلم په کارولینکا انستیتیوت کې استاد و چې په ۲۰۱۶ کال کې په علمي سفر ایران تللی و چې ونیول شو. دی تورن شوی دی چې اسراییل ته یې څو مهم ایراني ساینسپوهان ورپه نښه کړې دي چې ویې وژني. د ایران حکومت ویلي دي چې جلالي به د راتلونکې شنبې په ورځ اعدام کړي.

د امریکا د متحد ایالتونو د بهرنیو چارو وزارت په یوه اعلامیه کې ویلي دي چې په واشنګتن ډي سي کې یې د افغانستان د سفارت او په لاس انجلس او نیویارک کې د دغه هېواد د کونسلګریو کنټرول رسما په خپل لاس کې واخیست. په دې اعلامیه کې چې پرون ناوخته خپره شوه، راغلې دي چې متحد ایالتونه د دغه دیپلومیاتیک ماموریت د امنیت او خوندیتوب بشپړ مسوولیت لري. د امریکا متحد ایالتونه د طالبانو حکومت په رسمیت نه پېژني او اوس وایي چې په خپله خاوره کې به د افغانستان د سفارت او قونسلګریو د شتمنیو مسوولیت تر ثاني امر پورې د امریکا له بهرنیو چارو وزارت سره وي.

د تاجکستان په پلازمېنه دوشنبې کې د ازادي راډیو د تاجکستان د څانګې دوه خبریالان وهل شوې دي او د یوې بلې ازادې رسنۍ له دوو خبریالانو سره بد چلند شوی دی. ملا رجب یوسفي او برات یوسفي د ازادي راډیو د تاجکي څانګې خبریالان د سې شنبې په ورځ وروسته تر دې په پلازمېنه دوشنبې کې د ناپېژاندو کسانو له لورې ووهل شول چې د بشري حقونو له مدافعانو سره تر مرکې وروسته خپل دفتر ته ستنېدل. د دوشنبې په ښار کې برید کوونکو ملا رجب یوسفي او برات یوسفي له خپل موټره رابهر کړي او وهلي دي. ملا رجب یوسفي د دې پېښې کیسه کوي او وايي... Читать дальше...

د کابل په شهزاده سرای کې د صرافانو اتحادیه د طالبانو د مالیې وزارت له مشرتابه سره د پرونۍ غونډې په اړه وایي چې نتیجه یې ورنه کړه. دا غونډه د افغانستان بانک د نوې طرحې لپاره جوړه شوې وه. صرافان پر دې طرحې نیوکه کوي. د صرافانو د ټولنې ویاند عبدالرحمان ځیرک ازادي راډیو ته تر غونډې وروسته تېرماښام وویل چې تمه لري بیا هم دا ستونزه حل شي. نوموړي ويلي: "غونډه سل په سلو کې بریالۍ نه وه، کومه هیله چې موږ لرله هغه مو ترلاسه نه کړه، پرېکړه وشوه چې د چهارشنبې په ورځ د افغانستان بانک له مشرتابه سره غونډه... Читать дальше...