Новости за 16.05.2022

بريتانيا وايي، روسي ځواکونو د اوکراين په يرغل کې خپل قوت له لاسه ورکړی دی. د بريتانيا استخباراتي چارواکي وايي، روسي ځواکونو پر اوکراين باندې په یرغل کې ټکان خوړلی او د کوم ښار په نیولو کې پاتې راغلي. د دغو چارواکو په وینا په اوکراین کې د روسي ځواکونو پر وړاندې جدي مقاومت شوی او ښايي روسیې پر اوکراین د نا مشروع یرغل له پیل راهیسې د خپلو عملیاتي ځواکونو درېیمه برخه له لاسه ورکړې وي. اخوا د ناټو د عمومي منشي مرستیال میرسیا جیوانا پرون د مې ۱۵مه په برلین کې وویل، چې د اوکراین د خلکو مقاومت روسیه حیرانه کړې ده. Читать дальше...

مسکو د ټولیز امنیت د تړون د سازمان د سرمشریزې کوربه دی. د منځنۍ اسیا هېوادونه چې له افغانستان سره ګډې پولې لري د دغه سازمان غړي دي. د ټولیز امنیت د تړون سازمان د خپل تاسیس دېرشمه کلیزه په مسکو کې د سازمان د غړیو هېوادونو په یوې سرمشریزې سره دایروي. د روسیې د ولسمشر ویاند دیمیتري پسکوف ویلي، چې د مې په شپاړسمه د دې سرمشریزې دوره يي مشري د ارمنستان صدراعظم نیکول پاشینیان کوي چې واردمخه مسکو ته رسېدلی دی. هغه ویلي، چې د سازمان په دې سرمشریزه کې به په اړوندو مسوولیتونو او د سیمې په تحولاتو باندې بحث وشي. Читать дальше...

په نړیوالو مطبوعاتو کې لا هم په افغانستان کې د طالبانو له لوري پر ښځو د بندیزونو د زیاتېدو په اړه لیکنې خپرېږي. نيويارک پوسټ: نیویارک پوسټ لیکلي، په داسې حال کې چې په امریکا او یو شمېر اروپايي هېوادونو کې د ښځو د حقونو په تړاو په دې بحثونه کېږي چې ایا هغوی د ماشوم د ضایع کولو یا سقط حق ولري او که نه، په افغانستان کې ښځې نه یوازې له زده کړو او کاره بې برخې کړای شوي بلکې اوس دا اجازه هم ورڅخه اخیستل شوې چې لوڅ مخ له کوره ووځي.  د خپرونې اشاره د طالبانو د حکومت وروستي فرمان ته ده چې پر اساس یې ښځې باید سر تر پایه ځانونه پټ کړي. Читать дальше...

د خوړو نړیوال پروګرام ډبلیو اف پي وايي، سږ ۲۰۲۲ کال یې تر دمه په افغانستان کې له ۱۷ میلیونو ډېرو خلکو ته خوراکي او نورې مرستې برابرې کړي. د خوړو نړيوال پروګرام وايي، تېر پنځه نیمې میاشتې یې په افغانستان کې له څه باندې اولس نیم ميليونه خلکو سره مرسته کړې ده. پرون د مې ۱۵مه د ډبلیو اف پي په یوه ټویټ کې راغلي، په افغانستان کې پر میلیونونو خلکو د خوراکي توکو مرستې او د اړتیا وړ لومړني توکي وېشل شوي دي. تر دې مخکې د خوړو د نړیوال پروګرام د اسیا مرستیالې انتهیا ویب ویلي وو، چې په افغانستان کې بشري... Читать дальше...

راپورونه وايي، چې طالبانو متحده عرب اماراتو ته د پخواني ولسمشر حامدکرزي د سفر مخه نیولې ده. پخواني ولسمشر حامد کرزي ته نږدې سرچینو رسنیو ته تایید کړې، چې طالبانو هغه ته د متحده عربي اماراتو د سفر اجازه نه ده ورکړې. ټاکل شوې وه، چې ښاغلی کرزی د متحده عربي اماراتو د دولت د پخواني رییس خلیفه بن زاید آل نهيان په فاتحه کې د ګډون په موخه اماراتو ته سفر وکړي. په دې اړه پرون څو معتبره رسنیو راپورونه ورکړي. پخواني ولسمشر شاوخوا دوه میاشتې مخکې د مارچ په نهمه له (العالم) ټلویزیون سره په یوه مرکه کې... Читать дальше...