Новости за 12.05.2022

ډيپلوماټ آنلاین مجله: ډيپلومات آنلاین مجلې یو مطلب خپور کړی چې سرلیک یې دی، افغانستان تر مرستو زیات، د مرستو د رسولو د سیسټم ښه مدیریت ته اړتیا لري. خپرونه لیکي، که څه هم بهرنۍ مرستې د میلیونونه افغان وګړو ژوند ژغورلای شي خو د خپرونې په وینا دا اقدام په اوږدمهال کې د حل لاره نه ده. د مطلب په دوام کې راغلي چې د افغانستان ستونزه تل د مرستو کچه نه بلکې د مرستو د مدیریت او څرنګوالي پر وړاندې پرتې ننګونې دي. د ډيپلومات د مطلب لیکوال زیاتوي، په تېرو شلو کلونو کې تریلیونونه ډالر په افغانستان کې... Читать дальше...

د افغانستان د ملي مقاومت جبهې په پنجشېر کې طالبانو ته د دې جبهې د لسګونو غړیو د تسلیمېدو ادعا رد کړه. د دې جبهې د بهرنیو اړیکو ريیس علي میثم تېره شپه د طالبانو له لوري د لسګونو کسانو د تسلیمېدو د ویډیو د خپرېدو په غبرګون کې ادعا وکړه، چې طالبانو عادي خلک کمرو ته کېنولي دي. د طالبانو د حکومت ویندوی ذبیح الله مجاهد پر خپله ټویټرپاڼه د یو شمېر کسانو ویدیو خپره کړې او ویلي و، چې دې کسانو د پنجشېر په دره او آبشار ولسوالیو کې له جګړې لاس اخیستی او له طالبانو سره ملګري شوي دي.

پرون چهارشنبې د پاکستان په بانکونو کې یو ډالر په یوسلو نوي روپۍ او په ازاد بازار کې تر دې هم لوړ تبادله شو. پاکستان هیله لري، چې د پیسو له نړیوال صندوق څخه د پور د ترلاسه کولو په صورت کې به د بهرنیو اسعارو په وړاندې د روپیو د ارزښت د کمېدو مخه ونیسي. په پاکستان کې د اقتصادي چارو کارپوهان هم تاییدوي، تر څو چې د پیسو نړیوال صندوق پاکستان ته پور نه وي ورکړی، د جنسونو د بیو د لوړېدو او د ډالرو په وړاندې د روپیو د لوېدو مخه نه شي نیول کېدای. دوی د پاکستان اقتصادي وضعیت ته په کتو وايي، چې ښايي د... Читать дальше...

د امریکا حکومت او تاجکستان د افغانستان د هوايي ځواک د هغو الوتکو په اړه خبرې کوي، چې د تېر کال د اګست په ۱۵ مه د افغانستان د جمهوري نظام له پرځېدو وروسته افغان پیلوټانو تاجکستان ته یووړې. په دوشنبې کې د امریکا سفیر ویلي، دا الوتکې به طالبانو ته ونه سپارل شي ځکه چې د دوی نه دي. تر دې مخکې ازبکستان هم ویلي و، چې د طالبانو له واک ته رسېدو سره هممهاله له افغانستانه ورغلې الوتکې به طالبانو ته ونه سپاري ځکه چې دا الوتکې د امریکا دي. په تاجکستان کې د امریکا سفیر جان مارک پومیرشیم په دوشنبې ښار کې... Читать дальше...

د ملګرو ملتونو د کډوالو لویې کمېشنرۍ په ایران کې د افغان کډوالو وضعیت د بېړني حالت له دوهمې درجې یا ایمرجنسي ۲ څخه لرې کړ. د ملګروملتو پر اساس، د کډوالو لپاره دوهمه درجه بېړنی حالت هغه مهال اعلانېږي چې پناه غوښتونکي اضافي مرستې او ملاتړ ته اړتیا ولري. د ملګروملتونو د کډوالو د لویې کمېشنرۍ د راپور له مخې، لا هم ایران ته د افغان کډوالو د تګ بهیر دام لري او دا چاره د کډوالو لا زیات ملاتړ ته اړتیا پېښوي. د ایران د حکومت د اټکل له مخې، په ۲۰۲۱ م کال، په تېره بیا د اګست له میاشتې وروسته شاوخوا ۵ لکه افغانانو ایران ته پناه وړې ده.

په داسې حال کې چې په افغانستان کې د پاسپورټ ترلاسه کول ډېر سخته شوي، د طالبانو د حکومت د کورنیو چارو وزارت وايي چې د حج د زیارتوالو لپاره به د پاسپورټ ورکولو چارې اسانه کړي. د طالبانو تر کنټرول لاندې د کورنیو چارو وزارت پرون په یوه خبرپاڼه کې اعلان وکړ، چې د پاسپورټ له عمومي ریاست او د حج او اوقافو له ادارې سره یې موافقه لاسلیک کړې چې پر اساس به یې د حج زیارت کوونکو ته د پاسپورټ د وېش بهیر اسانه شي. د دې موافقې له مخې به د حج او اوقافو اداره د هغو کسانو، چې د بیت الله زیارت ته ځي، د هویت په اړه د پاسپورټ عمومي ریاست ته معلومات ورکوي.

د طالبانو د بهرنیو چارو سرپرست وزیر امیرخان متقي د ازبکستان د صدراعظم له مرستیال او د بهرنۍ پانګونې وزیر سردار عمرزاکوف سره د دوو هېوادونو ترمنځ د سوداګرۍ، ترانسپورت، ترانزیت، د ترمذ – مزرشریف- کابل او پېښور ترمنځ د ریل پټلۍ او د دوو هېوادونو ترمنځ د همکارۍ د لار نقشې پر وروستي کېدو خبرې وکړې. د طالبانو د حکومت د بهرنیو چارو وزارت وايي چې دا خبرې د ویدیو کنفرانس له لارې پرون وشوې او په لړ کې یې د ازبکستان د سوداګرۍ او پانګونې وزیر وویل، هېواد یې د پټلۍ د نهايي کولو په اړه د غونډې رابللو ته چمتو... Читать дальше...

د فرانسې پولیسو کابو ۲۰۰ کډوال چې ډېری یې افغانان دي، پاریس ته نږدې د موټرو له یوې اډې بل ځای ته ولېږدول. د فرانس پریس خبري اژانس د راپور له مخې، دا کډوال ۵ میاشتې پخوا دلته مېشت شوي وو. په دوی کې یو هم محمد داوود دی. هغه وايي: «موږ ته دلته روغتیايي او ټولنیز خدمات نه راکول کېږي. هېڅ شی نه لرو. نو ښه ده چې پولیس مو یوه کمپ، کور یا بل ځای ته یوسي.» تر دې مخکې په فرانسې کې یو شمېر افغان پناه غوښتونکو ویلي وو،  چې اروپايي اتحادیې ته د اوکرایني کډوالو له راتګ سره د دې اتحادیې د غړیو هیوادونو پام له افغان کډوالو اوښتی دی.

د اوکراین د ولسمشر دفتر پرون د دغه هېواد د جګړې په دوه اویایمه ورځ اعلان وکړ، چې ځواکونو یې په تدریجي ډول روسي پوځیان د خارکییف له یو شمېر سیمو څخه په شا تمبولي دي. د اوکراین ولسمشر ولودیمیر زیلینسکي په خپله تایید کړې، چې اوکرایني ځواکونه توانېدلي چې د خپل هېواد دوهم ستر ښار خارکییف د روسیې له پر له پسې بمبارویو خوندي کړي. ده په عین حال کې ویلي، چې اوکراینیان باید ناببره خپلې هیلې ډېرې زیاتې نه کړي.