Новости за 21.08.2018

En kvinne i Sør-Carolina gikk tur med hunden sin i nærheten av en golfbane da en alligator angrep mandag.

Storbritannia kjem tysdag til å krevje at EU skal auke sanksjonane mot Russland og stå skulder til skulder med USA. Det varslar utanriksminister Jeremy Hunt, som hevdar at president Vladimir Putin har gjort verda farlegare. Det melder Reuters.

Dersom samanslåinga mellom Troms og Finnmark blir lagt på is, bør også den nye Viken-regionen vurderast på nytt. Det meiner Akershus Frp, ifølgje ABC Nyheter. Viken skal bestå av Akershus, Buskerud og Østfold. Alle tre fylka var imot samanslåinga.

USA-president Donald Trump trur ifølgje BBC at Tyrkia til slutt kjem til å frigjere den amerikanske pastoren Andrew Brunson, som har vore fengsla i landet sidan 2016. – Det er veldig trist det Tyrkia gjer. Dei gjer ein forferdeleg feil, seier Trump.

USA-president Donald Trump seier at han mest sannsynleg vil møte Nord-Korea-leiar Kim Jong Un igjen. Det seier Trump i eit ferskt intervju med Reuters. Dei to statsleiarane møtte kvarandre sist 12. juni.

Brasil stengjer ikkje grensa mot Venezuela med det første, trass i samanstøytane mellom innbyggjarar og flyktningar i ein grenseby i helga. Det melder NTB. Ifølgje Brasils sikkerheitsminister Sérgio Etchegoye vil det vere ulovleg å stengje grensa.

Michael Jackson-albumet «Thriller» er ikkje lenger det mestseljande i USA gjennom tidene. No er det The Eagles sitt «Their Greatest Hits (1971-1975)» som med sine 38 millionar kopiar som toppar den prestisjefulle lista, skriv The Washington Post.

Politiet i London melder at tre personar er frakta til sjukehus etter ein skyteepisode i Kingsbury Road nordvest i byen. Personane skal ikkje vere i dødsfare. Politiet presiserer at det ikkje er snakk om ei terrorhandling.

Bergen kommune risikerer millionbot etter datainnbrotet. – Saka har høg prioritet, seier Datatilsynet.

Minst ti personar er døde som følgje av flaumen i nasjonalparken Pollino sør i Italia, skriv Reuters. 18 personar er redda. Av dei ser seks skada. Det er ikkje klart kor mange fleire som er sakna. Søket etter fleire personar held fram.

Tre tropiske syklonar i Stillehavet er på veg mot Hawaii, Sør-Korea og Japan, melder The Washington Post. Den første, Hurricane Lane, kan treffe Hawaii i løpet av få dagar. Dei to andre kan ramme Japan og Sør-Korea seinare i veka.

Ingeniørekspertar visste allereie i februar at Genoa-brua var svekka 20 prosent grunna korrosjon av metallkablar, melder AP. Trass i funna skal verken departementet eller andre ha funne grunn til å redusere trafikken på brua, som kollapsa sist veke.

22 personer ble drept like etter at Ariana Grande gikk av scenen i Manchester i mai i fjor. – Jeg er så lei meg, jeg faller sammen, sa artisten nylig i et radiointervju, som viste seg å bli svært tårevått.

Moderaterna-politikeren Hanif Bali har lagt ut et bilde av seg selv med fire våpen og en «krigserklæring» mot Dagens Nyheter. Saken har skapt oppstyr i Sverige.

Politiet har sperra av eit hus på Djurgården i Stockholm etter meldingar om at det er funne ein mistenkeleg gjenstand. Det melder Aftonbladet. – No ventar vi på ein bombeteknikkar, seier Eva Nilsson i Stockholm-politiet til avisa.

Magnus Carlsen måtte nøye seg med remis mot armenske Levon Aronian i tredje runde av Sinquefield Cup i sjakk mandag.