Бројот на починати од коронавирусот во Европа надмина 15 000 луѓе
Од коронавирусот во Европа досега починаа 15 500 луѓе, јавува агенцијата Франс Прес. Најмногу од смртните случаи се во Италија, 8615, а по неа следува Шпанија со 4089 починати од коронавирусот, а трета е Франција со 1331 смртен случај. Со 268 191 потврден случај на коронавирус Европа е најсилно погодена од ова заболување кое почна да се шири во Кина во декември.
Во изминатите 24 часа во Македонија, пак, се регистрирани 24 нови случаи и вкупниот број досега заболени изнесува 201. Тројца, како што информираа надлежните се излекувани, а тројца починаа.
Филипче: тројца заболени излекувани од коронавирусот
Коронавирусот, или Ковид19 почна да се шири во декември минатата година во кинеската провинција Вухан. Подоцна се прошири насекаде, а Светската здравствена организација прогласи пандемија на 11 март. Се проценува дека повеќе од милијарда луѓе во светот се во самоизолација, која е главна препорака на владите за справување со ширењето.