Новости за 25.11.2021

Өлкөдө электр энергиясы чоң таңкыстыкка учурап, күйүүчү-майлоочу майлардын баасы кескин көтөрүлүп, ортомчулар менен талаш-тартыштан улам ири Кара-Кече кенинен көмүр алып келүүдө кыйынчылыктар жаралган. Учурда "Кыргыз көмүр" мамлекеттик ишканасы өлкөнү көмүр менен камсыз кылууга аракет кылып жатат. Кара-Кечедеги кечиккен камылгага ким жооп берет?

Польша Арменияга жалпы баасы 657 миң долларлык Oxford/AstraZeneca вакцинасынын 201 640 дозасын жардам иретинде берди. Калкынын саны үч миллионго жетпкеген Арменияда эмделген жарандар болгону 20% түзөт. Армения буга чейин жарандарына Орусиянын жана Кытайдын вакциналарын сайып келген. Өлкөдө пандемия башталгандан бери 7400 киши коронавирустан каза тапкан. Арменияда эмдөө ыктыярдуу түрдө жүрүүдө, бирок апрелде башталган эмдөө темпин илгерилетүү максатында өкмөт бир катар административдик чараларды киргизген. Читать дальше...

Тажикстандын Рошткала районунун жана Хорог шаарынын ондогон тургундары 25-ноябрда Тоолуу Бадахшан автоном облусунун администрациясынын имаратынын алдына нааразылыкка чыгышты. Алар 29 жаштагы Гүлбиддин Зиёбековдун өлүмүнө күнөөлүүлөрдү кармап, жоопко тартууну талап кылышты. Нааразы топ маркумдун сөөгүн акимчиликтин имаратына алып келишкен. "Озоди" радиосу кабарлагандай, бейшемби күнү Тажикстандын күч түзүмдөрүнүн операциясынын натыйжасында Рошткаланын Шохдар айылынын тургуну Гулбидин Зиёбеков өлтүрүлгөн. Читать дальше...

Бишкек шаарындагы мектептер убактылуу онлайн окутууга өтүп жатат. "Азаттык" байланышкан айрым мугалимдер бул 28-ноябрдагы шайлоого байланыштуу экенин айтышты. Шайлоо тилкелери жайгашкан муниципалдык мектептердин окуучуларына 27-ноябрда аралыктан билим берилет. Шайлоонун эртеси - 29-ноябрда да окутуу онлайн болот. Бишкек мэриясы добушканалар жайгашкан мектептерде жана бала бакчаларда шайлоого байланыштуу санитардык тазалык иштери болорун, бул Санэпидкөзөмөл борборунун талабы экенин билдирди. ... Читать дальше...

Ош шаарында парламенттик шайлоого бир мандаттуу округдан ат салышып жаткан талапкерлердин бири каржы маселесине байланыштуу кармалды. Улуттук коопсуздук мамлекеттик комитетинин (УКМК) басма сөз кызматы кабарлагандай, ал үгүт иштерин шайлоо фондунан тыш каржылаганы аныкталган. Шектүү 25-ноябрда УКМКнын Ош шаары жана Ош облусу боюнча башкы башкармалыгына жеткирилди. Кармалган талапкер №7 шайлоо округунан ат салышып жаткан Бекболот Арзибаев экенин билдиришти. Азырынча шектүүнүн өзүнөн же жакындарынан комментарий алууга мүмкүн болгон жок. Читать дальше...

Президент Садыр Жапаров Кумтөр кени 100 пайыз Кыргызстанга өтүп, талашка чекит коюлганын билдирди. Бишкектин Биринчи май райондук соту Кумтөргө байланыштуу айыпталып жатышкан Асылбек Жээнбеков, Тайырбек Сарпашев, Данияр Нарымбаев жана Төрөбай Зулпукаровду 30-январга чейин камакта калтырды. Алматыда 69 жашка караган курагында акын, диссидент Арон Атабек дүйнө салды.

Шайлоого саналуу убакыт калды. Сыноо алдында турабыз. 30 жыл ичинде не деген гана шайлоо өтүп, кимдер гана шайланган жок, чиркин. Шайлоо коомдук-саясий процесстерди аныктоочу фактор гана эмес, эл-журттун, коомдун жана мамлекеттин абалынын, мүнөзүнүн күзгүсү. Мурдагы интервьюларымда эл муктаждыктан, жокчулуктан, басым-кысымдан башы азат эмес, андыктан электораттын тандоо эркиндиги, мүмкүнчүлүгү чектелүү деген элем. Элдин социалдык абалы анын саясий жүрүм-турумуна таасир этээри турулуу иш. Күлүгү... Читать дальше...

Бишкектеги №1 тергөө абагында жаткан активист Мелис Аспеков реанимацияга түшкөнү тууралуу кабарды Жаза аткаруу кызматы төгүндөдү. 25-ноябрда айрым басылмалар Аспеков Улуттук кардиология жана терапия борборунун жандандыруу бөлүмүнө түшкөнүн жазышкан. "Кардиология институтунда жатат. Реанимацияда эмес. Абалы жакшы", - деди Жаза аткаруу кызматынын өкүлү Элеонора Сабатарова. Аспеков 2020-жылдын октябрындагы бийлик алмашууда Садыр Жапаровдун тарапташы болгон. 2021-жылдын январында ал “Кыргыз темир... Читать дальше...

Борбордук шайлоо комиссиясы Бишкектеги №26 Ленин шайлоо округунан талапкерлер Жаныбек Абиров менен Максат Кунакуновго 7500 сомдон айыппул салды. Алар үгүт жарнамаларын билим берүү мекемелерине жакын жайгаштырганы үчүн жамааттык арыз түшкөн. Шайлоо мыйзамдарына ылайык, жарнамалык материалдар билим берүүчү жана диний мекемелерден 100 метр ары илиниши керек. 25-ноябрда БШК ушул маселени карап, аталган талапкерлердин өкүлдөрү мыйзам сакталганын айтышты. Бирок БШК мүчөлөрү эреже бузуу аныкталган Абиров менен Кунакуновго айыппул салды. Читать дальше...

Борбордук шайлоо комиссиясына депутаттыкка "Ата-Журт Кыргызстан" партиясынан талапкер Таалайбек Сарыбашевдин жогорку билими тууралуу дипломун текшерүү боюнча арыз түштү. Бул тууралуу Боршайкомдун мүчөсү Акбалык Жумалиева билдирди. ​Буга чейин Ош шаарынын мурдагы мэри, учурда "Ата-Журт Кыргызстан" партиясынан Жогорку Кеңештин депутаттыгына талапкер Таалайбек Сарыбашевдин диплому күмөн жаратат деген маалыматтар чыгып келген. Анын 1995-жылы Ош техникумун аяктаганы тууралуу документи жасалма экени айтылган. Читать дальше...

"Мамлекеттик тил жөнүндө" конституциялык мыйзам долбоору Жогорку Кеңештин кароосуна жөнөтүлө элек. Бул тууралуу президентке караштуу Мамлекеттик тил жана тил саясаты боюнча улуттук комиссиясынын жетекчиси Сыртбай Мусаев билдирди. Анын айтымында, мыйзам долбоору бир ай коомдук талкууда туруп, 22-ноябрда талкуудан алынды. Учурда түшкөн сунуш-пикирлерди кошуу боюнча иштер жүрүүдө. Улуттук комиссиянын жетекичиси мыйзам долбоорунда орус тилинин орду төмөндөдү деген пикир менен макул эместигин айтты. Читать дальше...

Президент Садыр Жапаров "Арыба" сайтына жарыяланган маекте 24-ноябрда Коомдук телерадиоберүү корпорациясында (КТРК) Жогорку Кеңештин шайлоосуна байланыштуу дебатка катышкан "Ата Мекен" партиясынын лидери Өмүрбек Текебаевдин айткандарына жооп кайтарды. Текебаев ал жетектеген партия азыркы бийликке оппозиция экенин маалымдап, президент Садыр Жапаровдун бир нече күн мурун жаңы конуштардын тургундары менен жолугушканда айткан сөзүн сынга алган. Ошондой эле Кумтөр кени боюнча пикирин билдирген. Мамлекет... Читать дальше...

Москвада кыргызстандык мигрант Эген Апсаматов интернет блогерлердин колунан машине утуп алды. Анда блогерлер такси айдоочуларга акчасын унутуп калганын айтышып, акысыз жеткирип коюуну өтүнүшкөн. Бирок бир дагы айдоочу макул болбой койгон. Ошол маалда аларга бир айдоочу токтоп, блогерлерди көздөгөн жерине акысыз жеткирген. Андан кийин видеодо блогерлер Эгенге машине саткан салондун жанынан машине утуп алганын сүйүнчүлөшкөн. "Азаттыктын" кабарчысы жардам көрсөтүүдөн баш тартпай атактуу болгон кыргызстандык айдоочуну таап, маектешти. Читать дальше...

Алматыда 69 жашка караган курагында акын, диссидент Арон Атабек дүйнө салды. "Массалык тополоң уюштурган" деп соттолгон акын 15 жыл түрмөдө отуруп, эки ай мурда саламаттыгы кескин начарлап кеткенде бошотулган. Маркум тагылган айыпты четке кагып, темир тор артынан да Казакстандын режимин сындап келген. Казакстандык жана эл аралык коомчулук Арон Атабектин өлүмүнө реакциясын билдирип жатат. Саясат таануучу Досым Сатпаев ​"өз элине акыйкаттык издегени үчүн 15 жыл камалган Атабектин өмүрүн абак кыскартканын" жазды. Читать дальше...

Олимпиаданын күмүш байгесинин ээлери "Мен сенин кырааныңмын, Кыргызстан" деген ырды дуэт аткарышкан.

Москвада кыргызстандык мигрант Эген Апсаматов блогерлерден машине утуп алды. Эки баласы бар ата майып баласынын операциясына акча топтош үчүн таксист болуп иштейт.

Бишкектин кичи райондорунун биринде ачылган жайга грек-рим күрөшү боюнча белгилүү балбан Раатбек Санатбаевдин ысымы берилди.

Польша-Беларус чек арасындагы 200дөй мигрант тосмолорду жиреп өтүп, Польшанын аймагына кирүүгө аракет кылды. Бул тууралуу Польшанын чек ара кызматы кабарлады. Окуя Черемча кыштагынын жанында орун алды. Евробиримдикке кирүүнү көздөгөн мигранттар менен польшалык чек арачылардын ортосундагы мындай кагылышуулар күндө болуп турат. Мигранттар чек арадагы зым тосмолордун үстүнө устундарды узунунан таштап өтүүгө аракет кылган, бирок Польшанын чек арачылары ага жол берген эмес. Натыйжада беш мигрант ооруканага жеткирилген. Читать дальше...

Социал-демократтар партиясынын жарыштан четтетилген талапкери Рыскелди Момбеков Борбордук шайлоо комиссиясынын чечимине каршы сотко даттанганы жатат. Боршайком 24-ноябрда Момбековду "жогорку билими тууралуу биринчи диплому жасалма" деген жүйө менен Жогорку Кеңештин депутаттыгына талапкер макамынан ажыраткан. Соңку окуя буга чейин айрым аткаминерлердин, жогорку кызмат адамдарынын дипломдоруна байланыштуу талаштуу жагдайларды, кош стандарттуулук тууралуу талкууну козгоду. Рыскелди Момбеков БШКнын чечими Конституцияга каршы келерин айтып... Читать дальше...

Кузбасстагы «Листвяжная» көмүр шахтасында жардыруунун айынан өрт чыкты. Бул тууралуу «Интерфакс» жана ТАСС агенттиктери Орусиянын Өзгөчө кырдаалдар министрлигине таянып жазды. Маалыматка караганда, шахтадагы кырсыктан тогуз киши каза болду. Айрым маалымат каражаттары каза болгондордун саны 11ге жеткенин айтышууда. Кемеров облусунун губернатору Сергей Цивилевдин айтымында ооруканага жараат алган 43 киши жеткирилген. Алардын ичинен төртөөнүн абалы оор.   Жардыруу болгон учурда жер астында 287 киши болгон. Читать дальше...

Өзүн күрөөкана деп атаган "Сомо" компаниясынан насыя алган жарандар алган акчасын гана кайтарып берет. Бул тууралуу Финансы рыногун жөнгө салуу жана көзөмөлдөө кызматы билдирди. Аталган кызматтан билдиришкендей, "Сомо" компаниясынан насыя алган жарандардын пайызын, үстөк пайызын жоюп, негизги сумманы кайтарууну кардар айткан мөөнөткө жылдырып берүү боюнча талап коюлду. Ошондой эле "Сомо" компаниясынан акча алган жарандар насыя берүүчүлөрдүн бюросунун кара тизмесинен чыгарылат. Финансы рыногун... Читать дальше...

Экономика жана коммерция министри Данияр Амангелдиев кыргызстандык ишкерлердин жүк ташуусу үчүн Ирандагы Бандар-Аббас портунан транзит ачуу иштери жүрүп жатканын билдирди.  Министр "Азаттыктын" "Эксперттер талдайт" берүүсүнө катышкан учурда маалымдагандай, пандемия башталгандан бери ишкерлер логистика ишинде чоң көйгөйлөргө туш болду. Данияр Амангелдиев учурда Кытай дүйнө жүзү менен логистикасын токтотуп койгонун, мындан улам башка өлкөлөр сыяктуу эле Кыргызстанда дагы чийки заттын тартыштыгы байкалып жатканын кошумчалады. Читать дальше...

“Кумтөр Голд Компани” алтын ылгоочу фабриканын ар кандай участкаларын модернизациялоо боюнча долбоорлорду ишке киргизди. Аталган ишкананын расмий сайтындагы маалыматка караганда, “Кумтөр” кениндеги фабрика 1996-жылы ишке киргизилген. Ошондон бери компания жабдууларды сактоо жана алардын пландык ремонту менен гана алектенген. Адистер алдыда боло турган өзгөрүүлөрүн "мини технологиялык төңкөрүш" деп атап жатышат. "Биринчи кезекте моралдык жактан эскирген флотациялык машиналар алмаштырылат. Жаңы түзмөктөр толук автономдуу болот. Читать дальше...

Орусиянын Кыргызстандагы элчиси Николай Удовиченко Кыргызстандагы “Мамлекеттик тил жөнүндө" мыйзам долбооруна тынчсыздануусун билдирди. Бул тууралуу ал элчиликтин Instagram баракчасына жазган. Элчи Орусия жаңы конституциялык мыйзам долбоорунун айланасындагы кызуу талкууга көз салып турганын жана долбоордун кабыл алынышы Баш мыйзамда расмий тил макамы бар орус тилинин "колдонуу чөйрөсүн кыскартат” деген кооптонуу бар экенин айткан. "Мамлекеттик тил жөнүндө" конституциялык мыйзам долбоору боюнча коомдук талкуу жыйынтыкталды. Читать дальше...

Өзбекстандагы Ташкент облусунун полициясы ондогон мусулман эркекти ички иштер бөлүмүнө чакырып, алардын сакалдарын мажбурлап алдыртты. “Азаттыктын” өзбек кызматына жергиликтүү активисттердин бири кабарлагандай, акыркы учурда облуста сакал койгон эркектерге каршы рейддер күчөтүлгөн. Активисттин айтымында, полиция динчил эркектерди гана бутага алууда. Бирок Өзбекстандын Ички иштер министрлиги мындай аракеттер динге байланышкан деген айыптоолорду четке какты. Маалыматка ылайык, акыркы айда эле Ташкент... Читать дальше...