Новости за 15.11.2019

"Азаттык плюстун" кезектеги чыгарылышында той темасына токтолдук. Берүүдө кафе-ресторан кургандар көбөйгөнү ошол эле маалда насыяга той өткөрүп, кыйналган мекендештер тууралуу сөз болот. Программага айрым өнөр адамдары да катышып, ашыкча чыгым менен ысырапкорчулукту токтотууга мезгил жеткенин айтышты. Бул темага сиз да үн кошуп, шеринеге пикир калтырсаңыз болот.

Орусиянын Юстиция министрлиги “Эркин Европа/Азаттык” радиосунун орус кызматынын Sever.Realii сайтын “чет элдик агенттин функциясын аткарган чет өлкөлүк маалымат каражаттарынын” тизмесине киргизди. Министрликтин сайтында жума күнү жарык көргөн маалыматка ылайык, мындай чечим парламенттин комитети "өлкөнүн ички иштерине кийлигишүүгө жол берилүүдө" деген бүтүм чыгаргандан кийин кабыл алынды. Быйыл сентябрда иштей баштаган сайт Орусиянын түндүк-батышындагы окуяларды чагылдырып жүргөн. Чет өлкөлүк... Читать дальше...

Бишкекте «Бир дүйнө - Кыргызстан» кинофестивалы жыйынтыкталды. Анда "Азаттык+" жаштар берүүсүнүн алып баруучусу, жаш журналист Айдана Топчубаеванын “Аяна” аттуу тасмасы эң мыкты улуттук тасма деген наамды жеңип алды. “Азаттыктын” дагы бир журналисти Санжар Эралиевдин “ВИЧ уурдаган балалык” аттуу тасмасы жаш калыстардын мыкты деген баасына татыды.  Гран-прини франциялык режиссёрлор Клэр Бийе менен Оливье Жобардын "Таш жүрөк” тасмасы алды. Эл аралык мыкты тасма деп "Ак эне" киносу табылды. Аны... Читать дальше...

Бишкектин Мурас-Ордо жаңы конушундагы мектептин курулушу бүтпөй турат. Долборлоо иштери 2015-жылы башталган. План боюнча пайдаланууга 2019-жылы берилмек. Бирок ушул тапта 550 орундуу мектептин каркасы гана турат. Качан бүтөрү белгисиз. Мындан улам коңуштагы миңден ашык бала коңшу Озерное мектебинде бир партада үч-төрттөн отуруп, окуусун улантууга аргасыз.

Орусияда тыңчылыкка айыпталган литвалык эки жаран кое берилди. Бул тууралуу Литванын контрчалгындоо кызматынын башчысы Дарюс Яунишкиске шилтеме берүү менен Рейтер агенттиги билдирди. Евгений Матайтис жана Арстидас Тамошайтис, норвегиялык Фрод Берг Литвада тыңчы деп соттолгон эки орусиялыкка айырбашталды. Матайтис менен Тамошайтис 2016-жылы орусиялык аскердик сыр маалыматты өз өлкөсүнүн кызматтарына беришкен деп айыпталышкан. Норвегиянын премьер-министри Эрна Солберг Орусияда тыңчылык үчүн 14... Читать дальше...

Сүймөнкул Чокморовдун жарык дүйнөнү таштап кеткенинен бери 27 жыл өттү. Ушу күндөрү кыргыз коомчулугу улуу таланттын 80 жылдыгын белгилөөдө.

Т. Сатылганов атындагы Улуттук филармонияда Кыргыз Республикасынын эл сүрөтчүсү, атактуу актёр Чокморовдун 80 жылдык мааракесине арналган салтанаттуу иш-чара өттү. Ага катышкан президент Сооронбай Жээнбеков кыргыз киносунун кереметин, кыргыз сүрөт өнөрүнүн ийгиликтерин Сүймөнкул Чокморовдун тагдырынан бөлүп кароого болбой турганын белгиледи.

Түркия өз аймагынан чыгарууну чечкен “террорчу” делген адамдардын арасында Кыргызстандын 23 жараны бар. Грузияда шайлоо мыйзамы элди көчөгө чыгарды. Калифорниядагы мектепте болгон атышууда эки өспүрүмдүн өмүрү кыйылды.

Батыш Европага жетүүнү көздөгөн мигранттар Боснияда катуу суукта оор шарттарда кармалып жатышат. Бул тууралуу "Чек арасыз дарыгерлер" уюму 15-ноябрда билдирди. Босниянын түндүк батышындагы Вучак качкындар лагери быйыл июнда өз алдынча пайда болгон, ал жер алдын ала атайылап жашоого ыңгайлаштырылган эмес. Уюмдун адистери лагерде эң керектүү деген элементардык шарттардын жоктугу аны "кооптуу жайга" айландырганын белгилейт. Ал жакта 2 миңдей киши баш калкалап келатат. Электр энергиясы, таза суу деген нерсе жок. Читать дальше...

Жемкорлукка айыпталып, изин таптырбай кеткен мурдагы аткаминерлердин иши боюнча маселе Жогорку Кеңештин «Республика – Ата Журт» фракциясынын жыйынында көтөрүлдү.

Гонконгдо демонстранттар Политехникалык университеттин имаратын ээлеп алышты. Миңдеген студент полициянын жолун тороп, окуу жайдын айланасына кирпичтер менен тосмолорду тургузушту. Полиция демонстранттар аларды көздөй жаа менен атышканын, жабыркагандар азырынча жок экенин билдирди. Нааразылык акциясынын катышуучулары ошондой эле шаардагы кан жолдордун бирин тороп салышты. Гонконгдо каршылык акцияларынын жаңы толкуну 8-ноябрдагы тоз-тополоңдо 22 жаштагы студент оор жарадар болуп, каза тапкандан кийин курчуп кеткен. Читать дальше...

Кытайдын тышкы иштер министрлигинин басма сөз өкүлү бүгүн, жума күнү Вашингтонго Американын Когрессинде “Гонконгдо демократияны жана адам укуктарын колдоо” боюнча келишимди бекитүү үчүн кылып жаткан аракети жөнүндө эскертүү берди.

Түрк бийлиги ИШИМ террордук уюмуна кошулуп кеткен Германия жана Англиянын 7 жаранын өз мекенине депортациялай турганын маалымдады.

Ооганстандын коргоо министрлиги ИШИМ террордук уюмунун 81 согушкери 51 аял жана 96 бала менен Нангархар провинциясынын Ачин шаарчасында ооган армиясынын күчтөрүнө багынып бергенин маалымдады.

Гаагадагы Эл аралык кылмыш соту Мьянма бийлиги менен армиясынын бул өлкөдөгү мусулман рохинжа азчылыгына каршы жасаган кылмыштарын иликтөөгө макул болду.

Тбилисиде бейшембинин кечинде миңдеген киши чогулуп, аралаш шайлоо системасынан пропорционалдык добуш берүүгө өтүү сунушу колдоо таппай калганына нааразылыгын билдиришти. 14-ноябрдагы добуш берүүгө 141 депутат катышып, Конституцияга өзгөртүү киргизүү боюнча коалициялык көпчүлүктүн сунушун 101 гана эл өкүлү колдоду. Ага негизинен бийликтеги «Грузин кыялы» партиясынын мажоритардык же өз алдынча шайланып келген депутаттары каршы чыгышты. Алардын көз карашында мамлекет азырынча толугу менен пропорционалдык системага... Читать дальше...

Саясий абал курчуган Гонконгдо билим алып жаткан 42 студенттин үчөө шаардан чыгып кетишти. Калгандары жакынкы күндөрдө ызы-чуулуу аймактан чыгып кетүүнү пландап жатат. Бул тууралуу Тышкы иштер министрлигинин басма сөз кызматы кабарлады. Маалыматка караганда, ал жактагы кыргызстандыктар коопсуз жайга которулган. ТИМдин тапшырмасы менен Кытайдагы элчилик менен Гуанчжоу шаарындагы башкы консулдук ал жактагы мекендештерибизге керек болгон бардык жардамды берип жатат. “Башкы консул учурда Гонконгго... Читать дальше...

Жемкорлукка айыпталып, изин таптырбай кеткен мурдагы аткаминерлердин иши боюнча маселе Жогорку Кеңештин «Республика – Ата Журт» фракциясынын жыйынында көтөрүлдү. Өкмөттүн коррупцияга каршы күрөш тууралуу маалыматы угулган жыйында депутаттар коомчулукта резонанс жараткан коррупциялык иштердин тагдырына кызыгышты.

Бишкектеги Америка борборунда “Мэйкэр Спэйс” лабораториясынын жана илимий жарманкенин ачылышы болуп өттү. Аны АКШнын Кыргызстандагы элчилиги жана К. Баялинов атындагы балдар жана жаштар китепканасы биргеликте уюштурду. Лабораторияны ачуу Улуттук илимий-техникалык фестивалдын финалына арналды. Бул фестиваль сентябрь айынан тарта өлкөнүн бардык аймагында жайгашкан Америка борборлорунда өткөрүлгөн. 15-ноябрда ар бир облустан тандалып алынган үч жаш ойлоп табуучу беттешти. Катышуучулардын эмгектери төрт номинацияда бааланып... Читать дальше...

Италиянын премьер-министр Жузеппе Конте бейшембиде Венецияда өзгөчө кырдаал жарыялады. Өкмөт башчынын айтымында, суу ташкындан жабыркаган шаарга 22 миллион доллардай каражат бөлүндү. Венеция аймагынын 85 пайызын аптанын башында суу каптаган.  Айрым жерлерде суунун деңгээли бир метр, 87 сантиметрге чейин жеткен. Мындай ташкындап көтөрүлгөн суу 1966-жылдан бери боло элек болчу. Табият кырсыгы эки адамдын өмүрүн алганы кабарланды. Тарыхый имараттар, байыркы чиркөөлөр жабыркады. Шаардык мектептерде окуу токтотулду. Читать дальше...

Коррупция деген сөз эл арасында көп айтылып, ЖМКларда көп жазылып жүрөт.

Германия Азербайжандын ондогон жарандарын мекенине кайтарды. Азербайжандын Улуттук миграция кызматы жума күнү кабарлагандай, Азербайжан менен Европа биримдиги ортосунда түзүлгөн келишимдин алкагында 61 киши алдынкы күнү чартердик рейс менен Бакуга жеткирилип келди. Мекеме Германиядан депортациялангандардын  22си эркектер, 18и аялдар жана 21и балдар экенин маалымдады. Германиялык “Шпигель” журналы 13-ноябрда полиция жүргүзгөн рейдде өлкөгө мыйзамсыз жолдор менен келген деп шектелген бир топ азербайжандык жаран кармалганын жазган. Читать дальше...

Вице-премьер-министр Жеңиш Разаков паспортторду берүү функциясын Мамлекеттик каттоо кызматынан алып, Ички иштер министрлигине өткөрүүнү колдой турганын билдирди. Мындай оюн ал бүгүн 15-ноябрда, парламенттин «Республика – Ата Журт» фракциясынын жыйынында айтты: - Учурунда «бүт каттоону бир мекемеге берели» деген саясий чечим кабыл алынган экен. Азыркы күндө ИИМге өткөрүш керек деп ойлойм. Кыргызстанда чет өлкө жарандарынан кыргыз паспорту табылган окуялар катталып келет. Жасалма кыргыз паспорттору... Читать дальше...

Литванын президенти Гитанас Науседа тыңчылык үчүн соттолгон орусиялык эки жаран – Николай Филипченко менен Сергей Моисеенконун күнөөсүн кечирди. Президенттин басма сөз кызматы белгилегендей, бул чечим тыңчылык үчүн айыпталгандарды айырбаштоо тууралуу жаңы мыйзамдын негизинде кабыл алынды.  Эми Орусия менен Литва андай айып менен кесилген жарандарын өз ара алмаштыра алат. Буга чейин айрым маалымат каражаттары Москва аларды литвалык эки кишиге же норвегиялык мурдагы чек арачы Фрод Бергге алмаштырышы ыктымал экенин жазышкан. Читать дальше...

16-ноябрда түнкүсүн Ысык-Көл облусунун кээ бир райондорунда жамгыр аралаш кар жаашы мүмкүн. Калган аймактарда жаан жаабайт. Тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метр, Ысык-Көл акваториясында 15-20 метрге жетиши ыктымал. Абанын температурасы: Чүй өрөөнүндө түнкүсүн -4…+1, күндүз 4…9; Таласта түнкүсүн -1…-6, күндүз 4…9; Баткен, Ош, Жалал-Абад облустарында түнкүсүн -3…+2, күндүз 9…14; Ысык-Көлдө түнкүсүн -3…+2, күндүз 4…9; Нарын облусунда түнкүсүн -7…-12... Читать дальше...