72 жастағы саяхатшы: 7 мың шақырым жаяу жол жүргенім – халқымның арқасы
ОРАЛ. ҚазАқпарат – Ұлытаулық еңбек ардагері, 72 жастағы Сәрсенбай Қотырашов «Ұлытауға бардың ба...» атты жаяу сапары барысында Орал қаласына жетті. Ұлытаудан бастап Ақтауға дейін Қазақстан облыстарын түгелдей аралап өтуді мақсат еткен саяхатшы БҚО тарихи-өлкетану музейінде жергілікті жұртшылықпен кездесті. Сәрсенбай Оспанұлы ҚазАқпарат тілшісінің сұрақтарына жауап беріп, сапарының барысы туралы әңгімелеп берді.